ৰাজস্থানৰ আলৱাৰত (Alwar in Rajasthan) নুমলীগড় নিবাসী (Resident of Numaligarh) জ্যোতিমালা চৌধুৰীকে (Jyotimala Choudhury) ধৰি তিনিজন (3 Persons)ৰ শোকাবহ দুৰ্ঘটনাত মৃত্যু (Death in accident) হোৱা খবৰে জোকাৰি গৈছে সমগ্ৰ বোকাখাত মহকুমা। নুমলীগড় নিবাসী বিহৰা প্ৰাথমিক বিদ্যালয়ৰ অৱসৰপ্ৰাপ্ত শিক্ষয়িত্ৰী জ্যোতিমালা চৌধুৰী (৭৫)ৰ লগতে জীয়াৰী মনমী চৌধুৰী বৰা (৪২) আৰু জোঁৱাই অৰ্ণৱ বৰা (৪৫)ৰ ৰাজস্থানৰ আলৱাৰত আজি পুৱা এক শোকাবহ গাড়ী দুৰ্ঘটনাত (a car accident) থিতাতে মৃত্যু হয়।
জানিব পৰা মতে চৌধুৰী দিল্লীত থকা জী-জোঁৱাইৰ ঘৰলৈ যোৱা ২৪ ফেব্ৰুৱাৰীত ফুৰিবলৈ গৈ তাতেই আছিল আৰু জী-জোঁৱাইৰ সৈতে ৰাজস্থানলৈ ফুৰাবলৈ গৈছিল। আজি পুৱা ৰাজস্থানৰ আলৱাৰত ফুৰিবলৈ বুলি গাড়ীত গৈ থকা অৱস্থাতে এখন ট্ৰেইলাৰত খুন্দা মাৰি তেওঁলোকৰ গাড়ীখন ভয়াবহ দুৰ্ঘটনাত পতিত হয় আৰু তিনিওজনৰে শোকাবহ মৃত্যু হয়।
গাড়ীখনত তিনিওজনৰ লগতে চৌধুৰীৰ নাতি তথা অৰ্ণৱ বৰা আৰু মনমী চৌধুৰী বৰাৰ পাঁচ বছৰীয়া সন্তান আৰিভ বৰাও আছিল। দুৰ্ঘটনাটোত পুত্ৰ আৰিভ গুৰুতৰভাৱে আঘাতপ্ৰাপ্ত হয় আৰু জীৱিত অৱস্থাত উদ্ধাৰ হৈছে বুলি জানিব পৰা গৈছে। আৰিভ বৰ্তমানে চিকিৎসাধীন অৱস্থাত আছে।
লক্ষীমপুৰৰ অৰ্ণৱ বৰা দিল্লীৰ এটি কোম্পানীত কৰ্মৰত আছিল আৰু দুৰ্ঘটনা সংঘটিত হোৱাৰ সময়ত গাড়ীখন তেওঁ নিজে চলাইছিল বুলি জানিব পৰা গৈছে। জী-জোঁৱাইৰে সৈতে জ্যোতিমালা চৌধুৰীৰ মৃত্যুত তেখেতৰ পৰিয়ালবৰ্গৰ লগতে অজস্ৰ গুণমুগ্ধৰ মাজত শোকৰ ছাঁ পৰিছে। তেখেতৰ মৃত্যুত বোকাখাত মহকুমা প্ৰাথমিক শিক্ষক সন্থাই গভীৰ শোক প্ৰকাশ কৰিছে।
