আজি পুৱাৰ ভাগতে পাহাৰীয়া জিলাৰ সদৰ চহৰ ডিফু (Diphu)ত বিদ্যুতস্পৃষ্ট (Electricity flows) হৈ এজন শ্ৰমিক মৃত্যু (death a labour) মুখত পৰে৷ প্ৰাপ্ত খবৰ অনুসৰি শোকাৱহ দুৰ্ঘটনা সংঘটিত হয় ডিফু নগৰ মাজমজিয়াতস্থিত লিটল ড্ৰেগন নামৰ হোটেলৰ (Little Dragon Hotel) ছাদত। দিন হাজিৰা কৰা শ্ৰমিক ক্ৰমে মিৰিক মমিন (Mirik Momin) (35) আৰু অৰুণ মোমিন (Arun Momin) (45) হোটেলখনৰ ছাদৰ ওপৰত কাম কৰি থকা অৱস্থাত বিদ্যুৎস্পৃষ্ট হয়৷ দুয়ো ডিফুৰে বাসিন্দা বুলি জানিব পৰা গৈছে।
ঘটনা সংঘটিত হোৱাৰ লগে লগে দুয়োকে ডিফু চিকিৎসা মহাবিদ্যালয় আৰু হাস্পাতাললৈ লৈ যোৱা হয় যদিও মিৰিক মোমিন চিকিৎসালয়লৈ গৈ পোৱাৰ পূৰ্বেই অকাল মৃত্যুক সাৱটি লয়৷ আনহাতে অৰুণ মোমিন বৰ্তমান ডিফু চিকিৎসা মহাবিদ্যালয়ত আৰু হাস্পাতালত চিকিৎসাধীন হৈ আছে বুলি জানিব পৰা গৈছে৷ ইপিনে মৃত মিৰিক মোমিনক ডিফু চিকিৎসা মহাবিদ্যালয়ত মৰণোত্তৰ পৰীক্ষাৰ বাৱে প্ৰেৰণ কৰা হৈছে বুলি জানিব পৰা গৈছে৷
সাংবাদিকৰ সৈতে হোৱা বাৰ্তালাপত ডিএমচিএইছৰ অধ্যক্ষ ডাঃ শুভ্ৰজিৎ ডেকাই জানিবলৈ দিয়া অনুসৰি বিদ্যুৎস্পৃষ্টহৈ আহত হোৱা লোক দুজনৰ এজন মৰিক মমিন চিকিৎসালয়লৈ আনি থকা অৱস্থাতে মৃত্যু হয় আৰু আনজন অৰুণ মোমিনৰ সোঁহাত আৰু সোঁভৰি জলি জখম প্ৰাপ্ত হয় ৷ আহত অৰুণ মোমিনক ডিএমচিএইছৰ শৈল্য ৱাৰ্ডত ভৰ্তি কৰা হৈছে আৰু যাৱতীয় চিকিৎসা প্ৰদান কৰা হৈ আছে ৷ তেওঁ বৰ্তমান বিপদমুক্ত বুলি কয় অধ্যক্ষগৰাকীয়ে৷
