আজি পুৱাৰ ভাগত কাৰবি আংলং (Karbi Anglong) জিলাৰ সদৰ চহৰ ডিফুৰ (Diphu) পৰাই সমগ্ৰ অসমত ভাৰ্চুৱেলি আইনী (Virtually legal Help in Assam) সাহায্য প্ৰতিৰক্ষা অধিবক্তাৰ কাৰ্যালয়ৰ শুভ উদ্ধোধন (Office’s opening) কৰা হয় ৷ এইলৈ ডিফুস্থিত জিলা ও সত্ৰ ন্যায়াধীশৰ আদালতৰ ( Court of District and Sessions Judge) পৰা আইনী সাহায্য প্ৰতিৰক্ষা অধিবক্তা কাৰ্যালয়সমূহক গুৱাহাটী উচ্চ ন্যায়ালয়ৰ ন্যায়াধীশ তথা অসম আইন সেৱা প্ৰাধিকৰণৰ কাৰ্যবাহী অধ্যক্ষ মানস ৰঞ্জন পাঠকৰ উপস্থিতিত ফিটা কাটি শুভ উদ্ধোধন কৰে গুৱাহাটী উচ্চ ন্যায়ালয়ৰ ন্যায়াধীশ আৰু কাৰবি আংলং জিলাৰ পৰ্টফলীয় ন্যায়াধীশ মালাশ্ৰী নন্দীয়ে ৷ ন্যায়াধীশগৰাকীক সহযোগ কৰে জিলা উপায়ুক্ত মধুমিতা ভাগৱতীয়ে৷
ইয়াৰ পূৰ্বে গুৱাহাটী উচ্চ ন্যায়ালয়ৰ দুয়োগৰাকী ন্যায়াধীশক উষ্ম সম্বৰ্ধনা জনায় ডিফু উকিল সন্থা আৰু ডিফু ন্যায়িক বিষয়া-কৰ্মীসকলে ৷ জিলা ও সত্ৰ ন্যায়াধীশ আব্দুল হাকিমে আদৰণি ভাষণ প্ৰদান কৰাৰ পিছতেই বন্তি প্ৰজলন কৰা হয় ৷
আনহাতে এই উপলক্ষে অনুষ্ঠিত গাম্ভীৰ্যপূৰ্ণ সভাত ন্যায়াধীশ আৰু বিভিন্ন বক্তাসকলে ভুক্ত ভোগীক আইনী সাহায্য প্ৰদান কৰাৰ বাবে সমগ্ৰ অসমত আইন সেৱা প্ৰাধিকৰণে কেনেদৰে বিনামূলীয়া আইনী সাহায্য প্ৰদান কৰে তাৰ ওপৰত বিস্তৃত বাখ্যা আগবঢ়ায়৷
উক্ত কাৰ্যসূচীৰ সমান্তৰালকৈ স্থানীয় শিল্পী সকলে নৃত্যগীত প্ৰদৰ্শন কৰি উপস্থিত সকলক আপ্লুত কৰে ৷ ডিফুৰ জিলা ও সত্ৰ ন্যায়াধীশ আদালতৰ জ্যেষ্ঠ লোক অধিবক্তা দিলীপ ডেকাই সাংবাদিক সকলৰ সৈতে হোৱা বাৰ্তালাপত কয় যে, এই কাৰ্যালয়ৰ উদ্দেশ্য আৰু লক্ষ্য হৈছে সকলো ব্যক্তিক আইনী পৰামৰ্শ আৰু সাহায্য প্ৰদান কৰা। জেল হাজোতত থকা ব্যক্তিসকলক জামিন লাভ কৰাত সহায় আগবঢ়োয়া।
প্ৰয়োজন অনুসৰি গ্ৰেপ্তাৰৰ পুৰ্ব পৰ্যায়ত আইনি সাহায্য কৰা। শনিবাৰে ৰাজ্যৰ ১৭খন জিলাৰ লগত ডিফুস্থিত সত্ৰ ন্যায়াধীশ কাৰ্যালয়ৰ প্ৰাংগনত আইনী সাহায্য প্ৰতিৰক্ষা অধিবক্তাৰ কৰ্যালয় শুভাৰম্ভ কৰা হয়।
