দক্ষিণৰ চলচ্চিত্ৰ (Southern films) অভিনেতা চেতন কুমাৰে (Actor Chetan Kumar) হিন্দু ধৰ্ম (Hindu Religion)ক লৈ বিতৰ্কিত মন্তব্যৰ (Controversial remarks) এটা টুইট কৰি পোনে পোনে ৰঙাঘৰৰ আলহী হ’ল অভিনেতাগৰাকী। লশাদ্ৰীপুৰমত আৰক্ষীয়ে চেতনক গ্ৰেপ্তাৰ (Arrest) কৰে। বজৰং দলৰ অভিযোগৰ ভিত্তিত চেতনক গ্ৰেপ্তাৰ কৰা হয়। কিন্তু চেতনে হিন্দু ধৰ্মৰ বিষয়ে কি লিখিছিল?
অভিনেতা চেতন কুমাৰে টুইট কৰি কয়, “হিন্দু ধৰ্ম মিছাৰ ওপৰত ভিত্তি কৰি গঢ় লৈ উঠিছে।” ইয়াতে ক্ষান্ত নাথাকি অভিনেতাজনে কয়, “ৰামে ৰাৱণক পৰাস্ত কৰি অযোধ্যালৈ উভতি অহাৰ সময়ত ভাৰতৰ জন্ম হৈছিল বুলি সাৱৰকাৰে কৈছিল। এয়াও মিছা কথা। ১৯৯২ চনত বাবৰি মছজিদত ৰামৰ জন্মস্থান বুলি কোৱা হৈছিল, সেইটোও মিছা। আজি ২০২৩ চনত কোৱা হৈছে যে উৰি গৌড়া আৰু নাঞ্জে গৌড়াই টিপু চুলতানক হত্যা কৰিছিল, সেয়াও মিছা।”
ইয়াৰ পূৰ্বেও বিতৰ্কিত মন্তব্য কৰিছে অভিনেতাগৰাকীয়ে। ইয়াৰ পূৰ্বে হিজাব বিতৰ্কত ন্যায়াধীশক সমালোচনা কৰি গ্ৰেপ্তাৰ হৈছিল। এইবাৰ হিন্দু ধৰ্মক লৈ বিতৰ্কিত মন্তব্য কৰে। অৱশ্যে অভিনেতাগৰাকীৰ এই জঘন্য মন্তব্যই টুইটাৰত গৰিহণাৰ ধুমুহাৰ সৃষ্টি কৰে।
