আজি পুৱাৰ ভাগত ডিফু (Diphu)স্থিত মীন বিভাগৰ কাৰ্যালয়ৰ সন্মূখৰ একুৱাচেণ্ট্ৰিক কাৰ্যলয়ৰ সন্মূখত কাৰবি আংলং স্বায়ত্তশাসিত পৰিষদ (KAAC)ৰ মীন বিভাগ (Department of Fisheries)ৰ উদ্যোগত আৰু মীন বিভাগ অসমৰ পৃষ্ঠ পোষকতাত হিতাধিকাৰী (Beneficiary)সকলৰ মাজত গ্ৰাম়্য আন্তঃগাঁথনি উন্নয়ন পুঁজি আৰু নাবাৰ্ডৰ জৰিয়তে আনুষ্ঠানিকভাৱে মাছ পৰিবাহী বাহন প্ৰদান কৰা হয়৷
মুখ্য কাৰ্যবাহী সদস্য তুলিৰাম ৰংহাঙে (Tuliram Ronghang) আজি ডিফুস্থিত মীন বিভাগৰ এটি ষ্টাফ কোৱাৰ্টাৰ বিল্ডিঙ (Staff Quarter Building)ৰ শুভ উদ্ধোধন (Opening) কৰাৰ পাছত হিতাধিকাৰীৰ মাজত আঠখন অট’ ট্ৰাক (Auto Truck) আৰু দুখন চাৰিচকীয়া (Two four-wheelers) বাহন আনুষ্ঠানিকভাবে বিতৰণ কৰে৷
নিজৰ ভাষণ প্ৰসংগত মুখ়্য কাৰ্যবাহী সদস্য তুলিৰাম ৰংহাঙে কয় যে- জিলাখনৰ নিবণুৱা সমস্যা দূৰ কৰিবলৈ চাকৰিৰ পৰিৱৰ্তে জিলাবাসীক চৰকাৰৰ বিভিন্ন উন্নয়ণমুলক আঁচনিৰ জৰিয়তে আত্মনিৰ্ভৰশীল হ’বলৈ আহ্বান জনায় ৷ মাছৰ বিক্ৰি এক লাভজনক ব্যৱসায় ৷ আজি হিতাধিকাৰীসকলে লাভ কৰা বাহনসমূহৰ সদ ব্যৱহাৰ কৰাৰ লগতে জিলাখনৰ অৰ্থনৈতিক ব্যৱস্থাক টনকীয়াল কৰাৰ বাবে আহ্বান জনাইছে ৷ পাহাৰৰ মাজত পুখুৰী খান্দি মৎস্য উৎপাদন কৰি আত্মনিৰ্ভৰশীল হবলৈ আহ্বান জনায় ৷
সাংবাদিকৰ সৈতে হোৱা বৰ্তালাপত কাৰবি আংলং স্বায়ত্তশাসিত পৰিষদৰ মীন বিভাগৰ কাৰ্যবাহী সদস্য মধুৰাম লেকথেই (E.M. Madhuram Lekthe) কয় যে ২০২০-২১ আৰু ২০২১-২২ বৰ্ষৰ চৰকাৰৰ গ্ৰাম্য আন্ত:গাথনি উন্নয়ন পুঁজি-২৬ৰ অধীনত বিশ্ব বেঙ্কৰ জৰিয়তে ৮০ শতাংশ ৰাজ সাহায্যৰ জৰিয়তে মাছ কঢ়িয়াবলৈ বাহনসমূহ বিতৰণ কৰা হৈছে৷
মুখ্য কাৰ্যবাহী সদস্য তুলিৰাম ৰংহাঙৰ নেতৃত্বত জিলাখনত নিবণুৱা সমস্যা সমাধানৰ স্বাৰ্থত অভূত পূৰ্ব উন্নয়ন হৈছে বুলি কয় ৷ লগতে মৎস্য পালকসকলে মৎস্য পালন কৰিবলৈ জিলা মীন বিভাগৰ কাৰিকৰী বিষয়াসকলৰ পৰামৰ্শ লবলৈ আহ্বান জনায় ৷ আজিৰ আনুষ্ঠানিক বিতৰণী অনুষ্ঠানত পৰিষদৰ কেইবাগৰাকী ইএম, এমএচি আৰু বোৰ্ড চেয়াৰমেনসকল উপস্থিত থাকে ৷
