এমাহ পূৰ্বে তেওঁ আটাৰ চাপাতিৰ (হাতৰুটি) ভিডিঅʼ টুইট (Tweet) কৰি প্ৰধানমন্ত্ৰী নৰেন্দ্ৰ মোদীৰ (Prime Minister Narendra Modi) প্ৰশংসা কৰিছিল। শনিবাৰে মোদীক সাক্ষাৎ (Meeting with Modi) কৰি মাইক্ৰোছফ্টৰ প্ৰতিষ্ঠাপক বিল গেটছে (Bill Gates) কয় যে ভাৰতক লৈ মই পূৰ্বতকৈ অধিক আশাবাদী।
গেটছে তেওঁৰ ব্লগত কয় যে তেওঁ মোদীৰ সৈতে স্বাস্থ্য খণ্ডৰ উদ্ভাৱন, জলবায়ু পৰিৱৰ্তন, আগন্তুক জি-২০ সন্মিলনকে ধৰি বিভিন্ন বিষয়ত কথা পাতিছিল। তেওঁ লিখিছে, “প্ৰধানমন্ত্ৰী নৰেন্দ্ৰ মোদীয়ে ভাৰতৰ স্বাস্থ্য সেৱা উন্নত কৰাৰ ক্ষেত্ৰত উদ্ভাৱনী দক্ষতা প্ৰদৰ্শন কৰিছে।”
লগতে কয় যে মোদীৰ চৰকাৰে কৰোনা মহামাৰীৰ সময়ত তেওঁৰ সংস্থা গেটছ ফাউণ্ডেচনে ভাৰতলৈ প্ৰেৰণ কৰা ভেকচিন সংৰক্ষণ আৰু ব্যৱহাৰৰ ক্ষেত্ৰত দক্ষতা প্ৰদৰ্শন কৰিছে। গেটছৰ ভাষাত, “জীৱন ৰক্ষাকাৰী সঁজুলি নিৰ্মাণৰ উপৰি ভাৰতে সেইবোৰ যোগান ধৰাতো পাৰদৰ্শিতা দেখুৱাইছে।”
ছফটৱেৰ জগতৰ কিংবদন্তিগৰাকীয়ে কো-উইন এপৰ জৰিয়তে ভেকচিন আৰু টীকাকৰণ ব্যৱস্থা বিতৰণৰ বাবেও ভূয়সী প্ৰশংসা কৰে। উল্লেখ্য, ২০২০ চনৰ এপ্ৰিল মাহত গেটছে কৰোনাৰ সংক্ৰমণ নিয়ন্ত্ৰণৰ বাবে মোদীৰ ‘লকডাউন কৌশলʼক সমৰ্থন কৰিছিল। প্ৰধানমন্ত্ৰীলৈ লিখা পত্ৰত তেওঁ লিখিছে, “আগতীয়াকৈ দিয়া লকডাউনৰ পৰা আৰম্ভ কৰি বহিঃৰাষ্ট্ৰৰ পৰা অহা লোক আৰু তেওঁলোকৰ সংস্পৰ্শলৈ অহা লোকক চিহ্নিত কৰাৰ পৰা আৰম্ভ কৰি কোভিডৰ পৰীক্ষা আৰু চিকিৎসা- সমগ্ৰ ব্যৱস্থাপনা ভাৰত চৰকাৰে দক্ষতাৰে চম্ভালিছে।”
