অক্ষয় কুমাৰৰ (Akshay Kumar) সঁচাকৈয়ে বেয়া সময় চলি আছে। যোৱা বছৰৰ পৰা একেৰাহে এখনৰ পিছত আনখন ছবি ফ্লপ। এই ধাৰা এই বছৰো অব্যাহত আছে। শেহতীয়া ছবি ‘চেলফি’য়ে ছবিগৃহত আপ্ৰাণ যুঁজ দিছে। কিন্তু ব্যৱসায় শিথিল। তাৰেই ছাঁ পৰিল নেকি! ৪ মাৰ্চত আমেৰিকা (America)ত অনুষ্ঠিত হʼবলগীয়া কনচাৰ্ট ‘দ্য এণ্টাৰটেইনাৰ্ছ ট্যুৰʼত অংশগ্ৰহণ কৰাৰ কথা আছিল অভিনেতাগৰাকীয়ে।
খবৰ অনুসৰি, অক্ষয়ৰ বাবেই টিকট বিক্ৰী হোৱা নাছিল (Tickets were not sold)। ফলত কাৰ্যসূচী বাতিল (program is canceled) কৰা হয়! অক্ষয়ৰ উপৰি মৌনি ৰায়, নোৰা ফাতেহী, দিশা পাটানি আৰু সোণম বাজৱাৰেও এই অনুষ্ঠানত অংশগ্ৰহণ কৰাৰ সম্ভাৱনা আছিল। কিন্তু কেন্দ্ৰবিন্দু অক্ষয়।
সোমবাৰে আয়োজকসকলে এই অনুষ্ঠান বাতিল কৰাৰ কথা ঘোষণা কৰে। ছচিয়েল মিডিয়াত তেওঁলোকৰ পোষ্ট অনুসৰি, এই অনুষ্ঠানটো ৪ মাৰ্চত নিউ জাৰ্ছিৰ ট্ৰেণ্টনৰ কিউৰ ইনশ্বুৰেন্স এৰিনাত অনুষ্ঠিত হোৱাৰ কথা আছিল। অতি কম টিকট বিক্ৰী হোৱাৰ বাবে এই শ্ব’টো বাতিল কৰাৰ সিদ্ধান্ত লʼবলগীয়া হয়।
অন্যথা আয়োজকসকলে ক্ষতিৰ সন্মুখীন হʼব লাগিব। আৰু এই বিফলতাৰ দায়িত্ব কান্ধ পাতি লৈছে আয়োজকসকলে। তেওঁলোকে যুক্তি দিছিল যে আমেৰিকাই দক্ষিণ এছিয়াত সঠিকভাৱে প্ৰচাৰ চলোৱা নাই। ফলত দৰ্শকৰ সংখ্যা ইমান কম। অৱশ্যে আমেৰিকাৰ অন্য ঠাইত অনুষ্ঠিত হʼবলগীয়া অনুষ্ঠানসমূহৰ ওপৰত এতিয়া আয়োজকসকলে তীক্ষ্ণ দৃষ্টি ৰাখিছে।
তেনেহ’লে কি দৰ্শকে খিলাড়ী কুমাৰক বাতিলৰ পঞ্জীত পেলাই দিব নেকি? এই ক্ষেত্ৰত আয়োজক আৰু অভিনেতাৰ মুখবন্ধ হৈ আছে। অৱশ্যে শেহতীয়াকৈ এক সাক্ষাৎকাৰত তেওঁ কয় যে মাকৰ মৃত্যুৰ পিছত অক্ষয় কুমাৰে অতি বেয়া সময় পাৰ কৰিছে। এখনো ছবিয়ে ভাল কাম কৰা নাই। কৈ থাকোঁতে তেওঁ কান্দি উঠিল। যদিও এটা শ্ব’ বাতিল কৰা হৈছিল, বাকী শ্ব’বোৰ চলি থকা বুলি অনুমান কৰা হৈছে। সেইবাবেই সোমবাৰে নিশা বাকী অভিনেতাসকলৰ সৈতে অক্ষয় উৰা মাৰিছে আমেৰিকালৈ।
