ডিঙিত ওলমি আছিল ৫০০ আৰু ২০০০ টকীয়া নোটৰ দীঘল মালা। দিল্লী (Delhi)ৰ এজন যুৱকে এক লাখ নোটৰ মালা (One lakh note garlands) পিন্ধি বিয়া পাতিবলৈ ওলাইছিল। সকলোৱে যেতিয়া নাচত ব্যস্ত আছিল তেতিয়া হঠাৎ তাত স্কুটি লৈ ২টা ডকাইত (robber) উপস্থিত হয়। ভিৰৰ মাজত দৰাৰ ডিঙিৰ পৰা টানি নোটৰ মালা ছিঙি লৈ পলাই যায়। ইফালে দৰাৰ চিঞৰি শুনি ডকাইতক ধৰিবলৈ স্কুটিৰ পিছ লয় বৰযাত্ৰীয়ে। কিন্তু ধৰিব পৰা নগʼল।
আনহাতে, এক লাখ টকাৰ মালা বিচাৰি নাপাই বিমোৰত পৰে যুৱকজন। বিবাহৰ আনন্দ ক্ষন্তেকতে ম্লান হৈ পৰে। তাৰ ঠাইত দুখেৰে ভৰি পৰে। ইয়াৰ পিছত যুৱকজনে আৰক্ষীৰ ওচৰত এজাহাৰ দাখিল কৰে। আৰক্ষীৰ সূত্ৰ অনুসৰি, এই ঘটনা সংঘটিত হৈছে দিল্লীৰ জগতপুৰী অঞ্চলত।
নোটৰ মালা পিন্ধি বিয়া পাতিবলৈ যাওঁতে ডকাইতে মালা লৈ পলাই যোৱাৰ অভিযোগ লাভ কৰাৰ পিছতে আৰক্ষীয়ে তদন্ত আৰম্ভ কৰে। জগতপুৰী অঞ্চলৰ ৮০টা চিচি টিভি ফুটেজ পৰীক্ষা কৰে।আৰক্ষীৰ এগৰাকী বিষয়াই জনোৱা মতে, চিচি টিভিৰ ফুটেজৰ পৰা ২জন অপৰাধী চিনাক্ত কৰা হৈছে।
ইয়াৰ পিছত জগতপুৰীৰ পৰা কেইকিলোমিটাৰমান দূৰৈৰ গীতা কলনীৰ এটা ঘৰৰ পৰা জছমীত নামৰ এজন অভিযুক্তক গ্ৰেপ্তাৰ কৰা হয়। তেওঁক সোধা-পোছা কৰাৰ পিছতে আনজন অভিযুক্তৰ নাম জানিবলৈ পাৰে আৰক্ষীয়ে। অৱশ্যে ৰাজীৱ মাহাতো নামৰ অভিযুক্তৰ কোনো সন্ধান পোৱা হোৱা নাই। আৰক্ষীয়ে জনোৱা মতে, অভিযোগকাৰীৰ নাম অনু গুপ্তা। তেওঁ পাটপাৰগঞ্জ ৰোডৰ বাসিন্দা।
