ডিফুৰ নৱীন-প্ৰৱীণ কণ্ঠ শিল্পীসকলে নিজৰ সুললিত কণ্ঠেৰে নিগৰিত হৈ অহা গীতবোৰ বাণীবদ্ধ কৰিবলৈ অজস্ৰ ধন খৰচ কৰি বাটকুৰি বাই সুদূৰ গুৱাহাটীলৈ যাব নালাগে৷ ডিফু আৰু ইয়াৰ পাৰ্শৱৰ্তী এলেকাৰ শিল্পীসকলে দুৱাৰডলিত পাব এই সুবিধা৷ এই সুবিধা কৰি দিছে ডিফুৰ নিৱাসী ডাঃ ব্ৰক্ষ্মানন্দ বৰা আৰু তেওঁৰ সহধৰ্মিনী ৰিণ্টুমনি বৰাই৷ ডিফু (Diphu)ৰ পিৰবি মাৰ্কেটৰ (Pirby Market) সমীপত ‘জে বি ষ্টুডিঅ’ৰ’ (J B Studio) জৰিয়তে উঠি অহা প্ৰজন্মৰ কণ্ঠ শিল্পীসকলৰ (Singer Artist) লগতে সকলোলৈকে আগবঢ়াইছে এই সুৱৰ্ণ সুযোগ৷
আজি ডিফু পিৰবি মাৰ্কেটৰ সমীপৰ ব্ৰক্ষ্মানন্দ বৰাৰ বাসগৃহতে (Residence of Brahmananda Bora) ৰিণ্টুমনি বৰা স্বত্বাধীকাৰিৰ অত্যাধুনিক আৰ্হিত ‘জে বি ষ্টুডিঅ’খনৰ শুভ উদ্ধোধন (opening up of the studio) কৰে কাৰবি সাংস্কৃতিক সমাজৰ সভাপতি চন্দ্ৰছিং ক্ৰ’ই (Chandrasing Kro)৷ ডিফুৰ কেইবাগৰাকী সংস্কৃতিপ্ৰাণ ব্যক্তি আৰু সামাজিক সংগঠনৰ নেতা-কৰ্মীৰ উপস্থিতিত ‘জে বি ষ্টুডিঅ’ৰ ফিতা কাটি আৰু এটি শুৱলা গীত বাণীবদ্ধ কৰাই শুভ উদ্ধোধন কৰে কেচিএছৰ সভাপতি চন্দ্ৰছিং ক্ৰ’ই ৷
নিজৰ চমু ভাষণত কেচিএছৰ সভাপতি চন্দ্ৰছিং ক্ৰই শিল্পীসকলক ডিফুৰ জেবি ষ্টুডিঅ’ত ৰচনা কৰা গীতসমূহ বাণীবদ্ধ কৰাৰ লগতে শিল্পীৰ পথাৰখনক চিৰ সেউজীয়া কৰি ৰাখিবলৈ আহ্বান জনায়৷
আনহাতে, সাংবাদিকৰ সৈতে হোৱা বাৰ্তালাপত জেবি ষ্টুডিঅৰ হৈ ডাঃ ব্ৰক্ষ্মানন্দ বৰাই কয় যে, ডিফু চহৰৰ শিল্পীসকলক অতি নুন্যতম খৰচত আৰু শুদ্ধভাৱে তেওঁলোকৰ গীতসমূহ বাণীবদ্ধ কৰিবলৈ সুবিধা দিবৰ বাবেই তেওঁৰ সহ ধৰ্মিনী ৰিণ্টুমনি বৰাই এই জে বি ষ্টুডিঅখন মুকলি কৰিছে ৷ সকলো শিল্পীক এই জেবি ষ্টুডিঅৰ জৰিয়তে কণ্ঠ বাণীবদ্ধ কৰিবলৈ আহ্বান জনাইছে৷
অৱশ্যে ইয়াৰ বাবে ডিফুৰ উদীয়মান শিল্পী সীমান্ত বৰ্মনক গুৱাহাটী তিনিমাহ কাল পৰ্যাপ্ত প্ৰশিক্ষণ দিয়া হৈছে ৷আজিৰ উদ্ধোধনী কাৰ্যসূচীত ক্ৰমে, কেচিএছৰ সভাপতি চন্দ্ৰছিং ক্ৰ’, ৰেকেট টেইল মিউজিকেল ছোচাইটিৰ সভাপতি নীপু চৰণ দত্ত, শংকৰী কৃষ্টি বিকাশ সংঘৰ সভাপতি দেৱেন কাকতি, ডিমাছা সাহিত্য সভা ডিফু শাখাৰ সভাপতি ফণীধৰ হাফলংবাৰ, মাঞ্জা সাহিত্য সভাৰ সভাপতি ডাঃ মেহতাব হুছেইন আৰু কাৰবি আংলং প্ৰাইমেৰী শিক্ষক সন্থাৰ সহকাৰী সম্পাদক সীমান্ত ৰংপি উপস্থিত থাকে৷
