দেওবাৰে, পুৱা প্রায় ১০ বাজি ৩০ মিনিটত এক গোপন সুত্ৰৰ পম খেদি ডিফুৰ ছৰচৰিত সন্দেহযুক্ত হেৰ’ইন জব্দ (Heroin seized in Diphu)। হেৰইনখিনিৰ লগতে আব্দুল খালেকৰ ঘৰৰ পৰা ২৩ হাজাৰ ৬৪০ টকা নগদ ধন সহ তিনিটা সৰবৰাহকাৰীক আটক কৰিবলে সক্ষম হয় ডিফু আৰক্ষী। সৰবৰাহকাৰী তিনিটা ক্রমে, আব্দুল খালেক (Abdul Khaleque), তেওঁৰ পত্নী গীতা দাস আক খাইৰুলউদ্দিন ওৰফে বাবু। তিনিওৰে পৰা আৰক্ষী ১টা প্লাষ্টিকৰ চাবোনৰ বাকছ আৰু চাধা টেমাত ১৫ গ্ৰামতকৈ অধিক সন্দেহযুক্ত হেৰইন উদ্ধাৰ (More than 15 grams of heroin recovered) কৰিবলৈ সক্ষম হয়। ঘটনাৰ বিৱৰণী অনুসৰি কার্বি জিলা উপ-আৰক্ষী অধীক্ষক প্রৱেশ্যনাৰী মার্টিন দেউৰীৰ নেতৃত্বত আৰু ডিফু থানাৰ অ’ চি কিশোৰ বৰুৱা, ডিফুৰ নগৰ আৰক্ষী চকীৰ ভাৰপ্ৰাপ্ত বিষয়াদেৱ প্ৰতীম কোঁৱৰ আৰু ছৰছৰি গাওঁৰক্ষী বাহিনীৰ সহযোগত প্রথমে খাইৰুলউদ্দিন ওৰফে বাবুৰ ওচৰত হেৰইন ভর্তি এটা চাধা টেমা উদ্ধাৰ কৰে।
পিছত খাইরুলউদ্দিনৰ স্বীকাৰোক্ত্ৰ ভিত্তিত আব্দুল খালেকৰ ঘৰত অভিযান চলাই এটা প্লাষ্টিকৰ চাবোনৰ বাকছ আৰু দুটা চাধা টেমাত ভর্তি হেৰইন উদ্ধাৰ কৰাৰ লগতে ২৩,৬৪০ টকাৰ নগদ ধন উদ্ধাৰ (Rs 23,640 cash recovered) কৰিবলৈ সক্ষম হয় আৰক্ষী৷ এই সন্দৰ্ভত আৰক্ষীৰ তদন্ত অব্যাহত থকা বুলি জানিব পৰা গৈছে৷
