বৃহস্পতিবাৰে অসম চৰকাৰৰ ‘বিকাশৰ বাবে এদিন’ উদ্যমৰ অধীনত ৰাজ্যৰ ৰাজ্যপাল জগদীশ মুখী আৰু তেখেতৰ সহধৰ্মিণী প্ৰেম মুখীৰ উপস্থিতিত খাৰঘুলিত নতুন ৰাজভৱনৰ আধাৰশিলা স্থাপন (Foundation stone of new Raj Bhavan laid at Kharghuli) কৰে মুখ্যমন্ত্ৰী ডঃ হিমন্ত বিশ্ব শৰ্মাই (Dr. Himanta Biswa Sarma)।
উল্লেখ্য, ১৮ মাহৰ ভিতৰত ৪১.৩২ কোটি টকা ব্যয়েৰে নিৰ্মাণ সম্পূৰ্ণ হ’বলগীয়া নতুন ৰাজভৱনটো দেশৰ অন্যতম সুন্দৰ ৰাজ্যপালৰ বাসভৱন হিচাপে পৰিগণিত হ’ব বুলি উল্লেখ কৰে মুখ্যমন্ত্ৰীয়ে। উক্ত অনুষ্ঠানত কেবিনেট মন্ত্ৰী ৰণজিৎ কুমাৰ দাস, লোকনিৰ্মাণ বিভাগৰ বিশেষ আয়ুক্ত সচিব ৰাজ চক্ৰৱৰ্তী আৰু ৰাজ্যপালৰ আয়ুক্ত সচিব এছ এছ মীনাক্ষি সুন্দৰম উপস্থিত থাকে।
আনহাতে, গুৱাহাটী পুলিচ ৰিজার্ভৰ পুনৰ্বিকাশৰ (Redevelopment of Guwahati Police Reserve) বাবে অনুষ্ঠিত ভূমি পূজন অনুষ্ঠানতো অংশগ্ৰহণ (Participation C.M. Assam) কৰে মুখ্যমন্ত্ৰীয়ে। উল্লেখ্য, ৫৪৪.৪৪ কোটি টকা ব্যয়সাপেক্ষ এই নতুন আন্তঃগাঁথনি সংযোজনত অসম আৰক্ষীৰ কৰ্মীসকলৰ বাবে পৰ্যাপ্তসংখ্যক আৱাসিক কোৱাৰ্টাৰ অন্তৰ্ভুক্ত হ’ব।
উক্ত পদক্ষেপে চহৰখনত চৰকাৰী কৰ্তব্য আৰু দায়বদ্ধতা পালন কৰাত বাহিনীৰ বাবে উৎসাহী পদক্ষেপ হিচাপে পৰিগণিত হ’ব বুলি মুখ্যমন্ত্ৰীয়ে প্ৰকাশ কৰে।অনুষ্ঠানত আৰক্ষী সঞ্চালকপ্রধান ভাস্কৰজ্যোতি মহন্ত আৰু অন্যান্য জ্যেষ্ঠ বিষয়াসকল উপস্থিত থাকে।
