কাৰ্বি আংলং স্বায়ত্বশাসিত পৰিষদৰ উদ্যোগত ডিফু ডি এ ভি স্কুলৰ প্রাংগনত জিলা পৰ্য্যায়ত কেন্দ্ৰীয়ভাবে 61 সংখ্যক শিক্ষক দিৱস পালন কৰা হয়। বিশেষ অনুষ্ঠানত মুখ্য অতিথি হিচাপে উপস্থিত থাকে কাৰ্বি আংলং জিলা স্বায়ত্বশাসিত পৰিষদৰ অধ্যক্ষ ৰাজু তিছ’য়ে। তেওঁ শিক্ষক দিৱসৰ উপলক্ষে আগবঢ়োৱাৰ ভাষণত প্ৰথমতে শিক্ষকসকলক শুভেচ্ছা জ্ঞাপন কৰি শিক্ষকসকলৰ শিক্ষা দানৰ ধাৰাবাহিকতা অব্যাহত ৰাখিলৈ শিক্ষক সমাজক অনুৰোধ জনায়।
বিভাগীয় দপ্তৰৰ কাৰ্যবাসী সদস্য ৰিচাৰ্ড টকবিয়ে এইবাৰ কাৰ্বি আংলং স্বায়ত্বশাসিত পৰিষদে জিলাখনৰ ভিতৰতে 1969 চনত স্থাপন কৰা প্ৰথম চৰকাৰী ইংৰাজী শিক্ষানুষ্ঠান ডি এ ভি স্কুলত শিক্ষক দিৱস উৎযাপনৰ স্থান বাচনি কৰা হৈছে বুলি তেওঁ উল্লেখ কৰি জিলাখনত গুণগত শিক্ষাৰ পৰিৱেশ গঢ়াৰ বাবে শিক্ষক সমাজক আগবাঢ়ি আহিবলৈ আহ্বান জনায়। অনুষ্ঠানত পৰিষদৰ কাৰ্যবাহী সদস্য কাংবুৰা কিলিং, সদস্যৰ হেড ছিং ৰংফাৰ, ফেংপিগা ৰেংমা, কৃষ্ণ ভট্টৰায়, পৰিষদৰ সচিব নিৰলা ফাংচপীৰ প্ৰমুখ্য কৰি গন্যমান্য লোকসকল উপস্থিত থাকে।
