কৰ্ণাটকৰ অন্যতম জনপ্ৰিয় চিত্ৰদুৰ্গা মুৰুঘা মঠৰ মুৰব্বীৰ বিৰুদ্ধে যৌন নিৰ্যাতনৰ অভিযোগ। মঠৰ মুৰব্বী শিৱমূৰ্তী মুৰুঘাৰ বিৰুদ্ধে POCSO আইনৰ অধীনত গোচৰ ৰুজু কৰা হৈছে। তেওঁৰ বিৰুদ্ধে অভিযোগ কৰা হৈছে যে তেওঁ নিয়মিতভাৱে ছাত্ৰ-ছাত্ৰীক যৌন নিৰ্যাতন চলাইছিল। মঠৰ আন আন কৰ্মীসকলে তেওঁক এই কামত সহায় কৰিছিল। এই সন্দৰ্ভত ছাত্ৰ-ছাত্ৰীৰ ভাষ্য ৰেকৰ্ডিং কৰা হৈছে। অৱশ্যে মঠটোৰ পৰা এতিয়ালৈকে কোনো সঁহাৰি পোৱা নাই।
জানিব পৰা মতে, দুই ১৬ বছৰীয়া নাবালিকাৰ অভিযোগৰ ভিত্তিত শুকুৰবাৰে গভীৰ নিশা আৰক্ষীয়ে এফ আই আৰ দাখিল কৰে। শিৱমূৰ্তীৰ বাহিৰেও মঠৰ আন কেইবাজনো লোকৰ নাম আছে। আৰক্ষীয়ে তদন্ত আৰম্ভ কৰিছে।
উল্লেখ্য, চিত্ৰদুৰ্গাৰ মুৰুঘা মঠটো ৰাজনীতিবিদসকলৰ মাজত অতি জনপ্ৰিয়। চলিত মাহৰ ৩ তাৰিখে কংগ্ৰেছ নেতা ৰাহুল গান্ধীয়ে এই মঠটো পৰিদৰ্শন কৰে। তাত দীক্ষাও লয়। কেৱল ৰাহুলেই নহয়, বিভিন্ন সময়ত বিভিন্ন ৰাজনৈতিক দলৰ নেতাই এই মঠটো পৰিদৰ্শন কৰি আহিছে।
