গুৱাহাটী মহানগৰীত টকা লেন-দেন কৰোঁতে সাৱধান।নকল টকাৰে ভৰিছে এতিয়া মহানগৰী।এইবাৰ নকল টকা নিব আহি দিছপুৰ আৰক্ষী হাতত আটক বিজেপি সাংসদৰ ভাতৃ।৫ লাখ আচল টকাৰ বিনিময়ত ১০লাখ নকল টকা নিবলৈ আহিছিল সাংসদৰ ভাতৃ গৰাকীয়ে।
নকল টকা লোভত গুৱাহাটী মহানগৰীত আটক হোৱা ধৃত পূৱ অৰুণাচল লোকসভা সমষ্টিৰ বিজেপি সাংসদ তাপো গাওৰ ভাতৃ তাহোং গাও।নকল টকা ব্যৱসায়ীৰ চক্ৰৰ জালত পৰা ধৃত তাহোং শুকুৰবাৰ পৰা সন্ধান হীন হৈ আছিল।৫ লাখ আচল টকা লৈ গুৱাহাটীলৈ অহা সাংসদ ভাতৃজনে জালনোট ব্যৱসায়ী চক্ৰ পৰা সংগ্ৰহ কৰিছিল নকল টকা।
ইফালে আৰক্ষীয়ে প্ৰকাশ কৰা মতে নকল টকা সমগ্ৰ কৰাৰ পিছতে ফোন অফ কৰি ৰাখিছিল ধৃত তাহোংয়ে। ব্যৱসায়ী চক্ৰৰ সৈতে গণেশগুৰিৰ পৰা পল্টনবজাৰ লৈ এখন কেৱত গৈছিল।
দিছপুৰ আৰক্ষীয়ে আটক কৰিছে কেবখবৰ চালক আৰু এগৰাকী সহযোগি উপৰিও AS-25CC-1092 নম্বৰ বাহনখন জব্দ কৰিছে।বিশেষ কেবখনতে নকল টকা বাবে লৈ গৈছিল অজ্ঞাত স্থানলৈ । দিছপুৰ আৰক্ষীয়ে পুৱাই পানবজাৰ মিনাভা হোটেলৰ পৰা আটক কৰিছে সাংসদৰ ভাতৃজনক।তেওঁ স্বীকাৰ ভিত্তিত জালনোট চক্ৰত জড়িত দুজনকৈ অভিযুক্তক আটক কৰিছে।
আটকাধীন দুই অভিযুক্ত হৈছে দিলীপ দাস আৰু মইনুল হ’ক।জালনোট লোভত পৰা বিজেপি সাংসদ ভাতৃ গৰাকীৰ বিৰুদ্ধেও আইনী ব্যৱস্থা লোৱাৰ কথা ঘোষণা কৰিছে শীৰ্ষ আৰক্ষী বিষয়াই।লগতে এই চক্ৰত জড়িত থকা অন্যসকলক শীঘ্ৰে কৰায়ত্ত কৰিব বুলিও কয়।
