মংগলবাৰে নিশা এন ডি এৰ সমৰ্থিত ৰাষ্ট্ৰপতি পদৰ প্ৰাৰ্থী দ্ৰৌপদী মুৰ্মু গুৱাহাটীত উপস্থিত হয়।
দ্ৰৌপদী মুৰ্মুক আদৰণ জনাবলৈ মুখ্যমন্ত্ৰী ড° হিমন্ত বিশ্ব শৰ্মাৰ লগতে গুৱাহাটী বৰঝাৰ বিমানবন্দৰত ৰাজ্যিক বিজেপিৰ সভাপতি সভাপতি ভৱেশ কলিতা, মন্ত্ৰী পীযুষ হাজৰিকা, জয়ন্ত মল্ল বৰুৱা, অতুল বৰা, কেশৱ মহন্ত, বিটিচি মুৰব্বী প্ৰমোদ বড়োকে ধৰি ৰাজ্যৰ মন্ত্ৰীসকলৰ লগতে এন ডি এৰ অন্তৰ্গত ৰাজনৈতিক দলবোৰৰ নেতৃত্ব উপস্থিত থাকে।
উত্তৰ-পূৱ ভ্ৰমণলৈ অহাৰ মাজতে গুৱাহাটীলৈ দ্ৰৌপদীৰ সৈতে কেন্দ্ৰীয় মন্ত্ৰী সৰ্বানন্দ সোণোৱালো উপস্থিত থাকে। এক বৰ্ণিল সাংস্কৃতিক কাৰ্যসূচীৰে নেত্ৰীগৰাকীক আদৰণি জনোৱাৰ লগতে নিশা তেখেতক ৰেডিশ্যন ব্লুলৈ লৈ অনা হয়। আজি অসম বিধানসভা বিধায়কসকলক সাক্ষাৎ কৰি অৰুণাচলৈ যাব দ্ৰৌপদী মুৰ্মু।
