যোৱা ৮ জুনত অনুস্থিত হৈ যায় কাৰ্বি পৰিষদৰ ত্ৰয়োদশ সাধাৰণ নিৰ্বাচনৰ ভোট গ্ৰহন। কিন্তু আজি পুনৰ দুটাকৈ ভোট কেন্দ্ৰত অনুষ্ঠিত কৰিব লগা হৈছে ভোটগ্ৰহণ। ভোট কেন্দ্ৰ দুটা হৈছে ১নং দুৱাৰ আমলা পৰিষদীয় সমষ্টিৰ ১৬নং পুঞ্জা বৰপথাৰ ME স্কুল আৰু ১৭নং পুঞ্জা বৰপথাৰ LP স্কুল ভোট কেন্দ্ৰ।
৮ জুনৰ দিনা ভোটকেন্দ্ৰ দুটাত সংঘটিত হৈছিল এক হিংসাত্মক ঘটানা।এটা ষ্টাম্প হেৰুৱাক কেন্দ্ৰ কৰি সৃষ্টি হৈছিল উত্তপ্ত পৰিস্থিতিৰ। উত্তেজিত ভোটাৰে জ্বলাই দিছিল দুটাকৈ বেলট বাকচ। পৰিস্থিতি নিয়ন্ত্ৰণৰ বাবে আৰক্ষীয়ে শূন্যলৈ গুলী পৰ্যন্ত চলাব লগা হৈছিল।
এই ভোট কেন্দ্ৰ দুটাত আজি পুনৰ ভোট গ্ৰহণ অনুষ্ঠিত হৈছে। আৰক্ষীৰ কটকটীয়া নিৰাপত্তাৰ মাজত পুৱা ৭-৩০ বজাৰ পৰা বিয়লি ৫-১০ বজালৈ অনুষ্ঠিত হয় ভোট গ্ৰহণ ।
প্ৰবল বৃষ্টিপাতৰ মাজতো ছাটি লৈ ভোটাৰসকলে শৃংখলাবদ্ধভাৱে দীঘলীয়া শাৰী পাতি থিয় হৈ নিজৰ ভোটাধিকাৰ সাব্যস্ত কৰে ৷ বিয়লি ৫-১০ বজাত শান্তিপুৰ্নভাৱে অন্ত পৰে ভোটদান প্ৰক্ৰিয়া। কেন্দ্ৰ দুটাত আজি ভোটদানৰ হাৰ আছিল ৮০%।
