৮১৯ কোটি টকাৰ সম্পত্তি মালিক হৈও মাত্র ৩০ কোটিৰ চেক বাউন্সৰ ঘটনাত জড়িত হ’ল ধোনি। ইয়াৰ বাবে বিহাৰৰ বেগুচৰাইত মহেন্দ্ৰ সিং ধোনিসহ আঠজনৰ বিৰুদ্ধে এফআইআৰ দাখিল কৰি হৈছে৷ এফআইআৰ দাখিল কৰিছে এছকে এণ্টাৰপ্রাইজ নামৰ এটি কোম্পানীয়ে।
উল্লেখ্য, বিশ্বৰ দ্বিতীয় ধনী ক্রিকেটাৰ ধোনিৰ মুঠ সম্পত্তিৰ পৰিমাণ ৮১৯ কোটিৰো অধিক। তেওঁৰ বিৰুদ্ধেই অনা হৈছে ৩০ লাখ টকাৰ প্রতাৰণাৰ অভিযোগ।
কৃষিকাৰ্যত ব্যৱহৃত এবিধ সাৰৰ বিজ্ঞাপনত কাম কৰি এই সমস্যাত পৰিছে ভাৰতীয় ক্ৰিকেট দলৰ প্রাক্তন অধিনায়কজন। ঘটনাৰ সৈতে তেওঁৰ প্ৰত্যক্ষ যোগাযোগ নাথাকিলেও দুই কোম্পানীৰ ব্যৱসায়িক সংঘাতৰ বাবে তেওঁকো জড়িত কৰোৱা হৈছে গোচৰটোত।
অভিযোগ অনুসৰি, নিউ গ্লোবেল প্রডিউচ ইণ্ডিয়া লিমিটেড নামৰ এটি কোম্পানীয়ে ৩০ লাখ টকাৰ এখন চেক দিছিল এছকে এণ্টাৰপ্রাইজক। উক্ত চেকখন বাউন্স কৰিছে। তাৰ পিছতেই কোম্পানীটোৱে বেগুচৰাই থানাত এফআইআৰ দাখিল কৰে মুঠ ৮ জনৰ বিৰুদ্ধে। তাৰ মাজত আছে ধোনিৰ নামো।
