কৰীণা কাপুৰ খান তেওঁৰ তাৰকা অভিনেত্ৰী সকলৰ সৈতে পাৰ্টি কৰাৰ দিশত যথেষ্ট জনপ্ৰিয়। যোৱা বছৰৰ শেষত, কৰীণা কাপুৰ এনে এটা পাৰ্টিতে কোভিড পজিটিভ হৈ পৰিছিল। আনহাতে যোৱা নিশা, অভিনেত্ৰী কৰিশ্মা কাপুৰে তেওঁৰ ঘৰত এক নৈশ ভোজ অনুষ্ঠিত কৰিছিল।
কৰীণা কাপুৰ খানকে ধৰি মালাইকা আৰোৰা, অমৃতা আৰোৰা, চলচ্চিত্ৰ নিৰ্মাতা কৰণ জোহৰ, ডিজাইনাৰ মনীষ মালহোত্ৰা আৰু অভিনেতা সঞ্জয় কাপুৰো এই পাৰ্টিত উপস্থিত আছিল। পাৰ্টি এৰি যাওঁতে, পেপৰাজীয়ে কৰীণা আৰু মালাইকাৰ ভগ্নী অমৃতাক তেওঁলোকৰ কেমেৰাত বন্দী কৰিছিল। এই সময়ছোৱাত, ৰাইজে তেওঁলোকৰ পাৰ্টিৰ পৰৱৰ্তী মুখমণ্ডল দেখি তেওঁলোকক তীব্ৰভাৱে ট্ৰোল কৰে।
দৰাচলতে, বলীউডৰ তাৰকাসকলে পাৰ্টি কৰাৰ অথবা একেলগে সময় কটোৱাৰ সুযোগ এৰি নিদিয়ে। এনে পৰিস্থিতিত, বলীউডৰ ঘনিষ্ঠ বান্ধৱী ক্ৰমে কৰীণা কাপুৰ খান, কৰিশ্মা কাপুৰ, মালাইকা আৰোৰা আৰু অমৃতা অৰোৰাক প্ৰায়ে একেলগে ধেমালি কৰা দেখা যায়।
কৰিশ্মা কাপুৰৰ এই ডিনাৰ পাৰ্টিত কৰীণা আৰু অমৃতা উপস্থিত হৈছিল আৰু একেলগে বাহিৰলৈ ওলাই আহিছিল। এই ওলাই অহা সময়ত যেতিয়া পেপৰাজীয়ে কেমেৰাত তেওঁলোকক বন্দী কৰিবলৈ চেষ্টা কৰিছিল, তেওঁ নিজৰ মুখখন হাতেৰে ঢাকি লুকুৱাবলৈ চেষ্টা কৰিছিল।
কৰীণা আৰু অমৃতাক একেলগে গাড়ীত দেখি ৰাইজে তেওঁলোকক ভিন্ন ধৰণৰ প্ৰশ্ন কৰিবলৈ আৰম্ভ কৰে। কোনোৱে প্ৰশ্ন কৰিছিল যে, ‘তেওঁলোকে ইমান পাৰ্টি কৰে, তথাপিও তেওঁলোক কেনেকৈ ইমান ফিট থাকে?’ আনহাতে, আন কোনোবাই সোধে যে, ” আপুনি অত্যাধিক সুৰাপান কৰিছে নেকি?” লগতে আন একাংশ লোকে পেপৰাজি সকলক তাৰকা সকলৰ গোপনীয়তাত হস্তক্ষেপ কৰাৰ বাবে বিভিন্ন ধৰণে থকা-সৰকা কৰে।
