ৰঙালীৰ ৰং-ৰহৈছৰ মাজতেই ২০ জনীয়া বিহুৱা দলৰ বাহন এখনৰ পথ দুৰ্ঘটনাঃ ৩ গৰাকী যুৱতী সহ ৫ গৰাকী যুৱক নিহত

ৰঙালীৰ ৰং-ৰহৈছৰ মাজতেই দুৰ্ঘটনাত পতিত হ’ল এটি ২০ জনীয়া বিহুৱা দল। গহপুৰৰ টকৌবাৰী ৰঙাজানত বলেৰ’ পিকআপ বাহন এখন এক পথ দুৰ্ঘটনাত পতিত হৈ মৃত্যু হয় ৩ গৰাকী যুৱতী সহ ৫ জন যুৱকৰ।

নিহত সকল হৈছে ক্ৰমে ৰাধিকা দৈমাৰী (১৫), বুদ্ধিমতী বড়ো (১৪), বৰ্ণালী বড়ো (১৫), সঞ্জয় বসুমতাৰী (১৭) আৰু কলিমন বসুমতাৰী (২১) বুলি চিনাক্ত কৰা হৈছে।

নিহত আটাইকেইজন গহপুৰৰ উত্তৰকাৰী বিল আৰু পুৰণি গেৰেজ গাঁৱৰ বুলি জানিব পৰা গৈছে। দুৰ্ঘটনাত পতিত বাহনখনৰ চালকজনে অত্যাধিক মদ্যপান কৰাৰ ফলত এই ঘটনা সংঘটিত হয় বুলি স্থানীয় ৰাইজে দাবী কৰে।

উক্ত ঘটনাটোক কেন্দ্ৰ কৰি দেশৰ প্ৰধানমন্ত্ৰী শ্ৰীযুত নৰেন্দ্ৰ মোদী আৰু মুখ্যমন্ত্ৰী ড° হিমন্ত বিশ্ব শৰ্মা ডাঙৰীয়াই গভীৰ দুখ প্ৰকাশ কৰে।