অমিত শ্বাহৰ হিন্দী ভাষা সন্দৰ্ভত বিতর্কত জড়িত হ’ল কিংবদন্তি সঙ্গীত পৰিচালক এ আৰ ৰহমান। ইয়াকে লৈ এতিয়া গৰম গৰম বিবৃতি দিছে তামিলনাডুৰ প্রধান বিৰোধী দল এআইডিএমকেই। তেওঁলোকে জনাইছে, মানুহে নিজৰ ইচ্ছা হ’লে হিন্দী শিকিব, কিন্তু জোৰ কৰি সেয়া জাপি দিয়াটো মুঠেই গ্রহণযোগ্য নহয়।
ইয়াৰ মাজতেই বিতর্ক উঠিছে এ আৰ ৰহমানে পোষ্ট কৰা এখন ছবিক লৈ। ছবিখনত তামিল ভাষাত লিখা আছে যাক লৈ ছচিয়েল মিডিয়াত বিতর্কৰ সৃষ্টি হৈছে। প্রয়াত দ্রাবিড়ীয় আইকন চিএন আন্নাদুৰাইক উদ্ধৃত কৰি এআইডিএমকেৰ শীর্ষ নেতা ও পন্নিৰচেভামে কয়, যদি প্রয়োজন হয়, মানুহে স্বেচ্ছাই হিন্দী শিকিব।
কিন্তু হিন্দী জোৰ কৰি জাপি দিয়াটো মুঠেই গ্রহণযোগ্য নহয়। এইমর্মে টুইট কৰে এআইডিএমকে নেতাজনে। কিন্তু এ আৰ ৰহমান কেনেদৰে জড়িত হ’ল ইয়াৰ সৈতে? যোৱা ৭ এপ্রিলত অমিত শ্বাহে কৈছিল, ইংৰাজীৰ পৰিৱর্ত হিচাবে বিভিন্ন ৰাজ্যৰ মানুহে হিন্দীত কথা পতা উচিত।
তামিলনাডুৰ মুখ্যমন্ত্রী এমকে ষ্টেলিনে কয়, ইয়াৰ ফলত সংহতি নষ্ট হ’ব। এ আৰ ৰহমানে যিখন ছবি পোষ্ট কৰিছে তাৰ কেপচনত লিখিছে, ‘তামিঝানাঙ্গু’, যিয়ে অৱশ্যেই ‘মা তামিল’ৰ দিক্নির্দেশ কৰে। মাতৃভাষা সন্দৰ্ভত সদায় সচেতন ৰহমান। এইবাৰো তাৰে উদাহৰণ দিলে তেওঁ৷ তাত বিতর্ক হ’লেও পিছে তেওঁৰ কোনো গুৰুত্ব নাই।
