ইণ্ডিয়ান পেনোৰামাত বহুবৃত্ত

অসমীয়া চলচ্চিত্ৰপ্ৰেমীলৈ সুখবৰ৷ অহা ২০নৱেম্বৰৰ পৰা গোৱাৰ পানাজীত অনুষ্ঠিত হ’বলগীয়া ভাৰতৰ আন্তৰ্জাতিক চলচ্চিত্ৰ মহোৎসৱৰ ইণ্ডিয়ান পেনোৰামা শিতানত প্ৰদৰ্শিত হ’বলৈ নিৰ্বাচিত হৈছে চলচ্চিত্ৰ সমালোচক আৰু চুটি ছবি নিৰ্মাতা উৎপল দত্তৰ শেহতীয়া চুটি ছবি বহুবৃত্ত৷ উল্লেখ্য যে ইণ্ডিয়ান পেনোৰামাৰ বাবে এইবাৰ নিৰ্বাচিত হোৱা এইখনেই একমাত্ৰ অসমীয়া ছবি৷ অসম চৰকাৰৰ উচ্চপদস্থ প্ৰশাসনীয় বিষয়া আৰু লেখক স্বপ্না দত্ত ডেকাৰ এটি কবিতা বহুবৃত্তৰ ভেটিত নিৰ্মাণ হৈছে এই চুটি ছবিখন৷ উল্লেখ্য যে দত্তৰ বাইলেন ২ নামৰ চুটি ছবিখনো ইণ্ডিয়ান পেনোৰামাত প্ৰদৰ্শিত হৈছিল৷ আনহাতে বিশিষ্ট চিত্ৰ পৰিচালক মঞ্জু বৰাৰ পাংচেংপা ভাষাত নিৰ্মিত ’ইন দ্য লেণ্ড অব পইজন ওমেন’ ছবিখনো পেনোৰামাৰ বাবে নিৰ্বাচিত হৈছে৷