গুৱাহাটী গাড়ীগাওঁ কিশোৰী দলবদ্ধ ধৰ্ষণৰ মাষ্টাৰমাইণ্ড বিকি আলীক এনকাউন্টাৰ তদন্ত ঘোষণা। কামৰূপ(ম) জিলা দণ্ডাধীশে ঘোষণা কৰিছে মৃত্যুৰ তদন্তৰ। অভিযুক্ত বিকি আলী মৃত্যুৰ তদন্তৰ প্ৰতিবেদন ১৫দিনৰ ভিতৰত জমা দিয়া নিৰ্দেশ। উল্লেখ্য অতিৰিক্ত জিলা দণ্ডাধীশ বিপুল কুমাৰ দাসক তদন্ত দায়িত্ব অপৰ্ণ কৰা হৈছে।
গুৰুত্বপূৰ্ণ যে পাণবজাৰ মহিলা আৰক্ষী থানাই বিকি আলীক লগত লৈ ধৰ্ষণকাণ্ড অন্য সহযোগীসকলক বিচাৰি অভিযান চলাবলৈ ১৫মাৰ্চত গড়ভঙা পাহাৰলৈ নিয়া সময়তে আৰক্ষীৰ এনকাউন্টাৰত মৃত্যু হৈছিল ধৃত অভিযুক্ত। ইফালে অতিৰিক্ত দণ্ডাধীশজনক কাৰ্যবাহী দণ্ডাধীশ ৰিমজিম কোঁৱৰক তদন্তত সহায় কৰিবলৈ নির্দেশ দিছে। ইফালে তদন্তৰ প্ৰতিবেদন অসম মানৱ অধিকাৰ আয়োগ আৰু ৰাষ্ট্ৰীয় মানৱ অধিকাৰ আয়োগক ১৫দিনৰ ভিতৰত দাখিল কৰা নিৰ্দেশ দিয়া হৈছে।
তাপৰ্যপূৰ্ণ যে দলবদ্ধ ধৰ্ষণকাণ্ডত অভিযুক্ত অন্য ৪জন অভিযুক্ত আজি পৰ্যন্ত শুং-সূত্ৰ নাই বুলিও আৰক্ষীৰ এক সূত্ৰই প্ৰকাশ কৰিছে।
আনহাতে ৰহস্যজনক কথা যে ঘটনাৰে জড়িত দুই অভিযুক্তক পোনা আলী আৰু ফইজুল আলীক ১৮মাৰ্চত মৰিগাঁৱৰ পৰা গ্ৰেপ্তাৰ কৰা বুলি এক বাতৰি প্ৰকাশ পাইছিল। কিন্তু আৰক্ষীয়ে এই সন্দৰ্ভত আজিলৈকে কোনো আনুষ্ঠানিক ভাষ্য প্ৰকাশ নকৰিলে।
পাণবজাৰ মহিলা থানাত ৮মার্চত ৰুজু হোৱা গোচৰৰ আজি পৰ্যন্ত ৪ অভিযুক্তক গুৱাহাটীৰ স্মাৰ্ট আৰক্ষীয়ে বিচাৰি উলিয়াব নোৱাৰাটোৱে পুনৰ এবাৰ আৰক্ষী ব্যৰ্থতাকে প্ৰকাশ কৰিছে। পাণবজাৰ মহিলা আৰক্ষী থানা ১৯/২২নম্বৰত ৰুজু হোৱা গোচৰত বিকি আলীয়ে আৰক্ষী ওচৰত আত্মসমৰ্পন কৰিছিল বুলিহে পৰিয়ালে দাবী কৰি আহিছে।
উল্লেখ্য যে ১৬বছৰীয়া এগৰাকী কিশোৰীক যোৱা ১৯ ফেব্ৰুৱাৰীত আদাবাৰীস্থ ব্ৰহ্মপুত্ৰ গেষ্ট হাউচত পাঁচ লম্পতে দলবদ্ধ ধর্ষণ কৰিছিল। তাৰ পাছতে কিশোৰী পৰিয়ালে দাখিল কৰিছিল এজাহাৰ।
