ASSAM TIMES POST
বকলীয়াঘাটঃ আজি পুৱাৰ ভাগত কাৰ্বি আংলং জিলাৰ উত্তৰবৰবিল আৰক্ষী চকীৰ অন্তৰ্গত লাংহিন নগৰস্থিত ফুলনি জুনিয়ৰ বেচিক প্ৰাইমেৰী বিদ্যালয়ৰ সমীপৰ চাৰি আলিত ৰাষ্ট্ৰীয় ঘাইপথত এক ভয়াবহ পথ দুৰ্ঘটনা সংঘটিত হয়৷
জানিব পৰা মতে লাংহিন নগৰৰ নিবাসী তথা হাওৰাঘাট মহাবিদ্যালয়ৰ সহকাৰী অধ্যাপিকা অন্তৰীপা চুতীয়াই নিজা বাহন এ এচ ০২ এচ ১৯০৩ নম্বৰৰ এল্ট’ এইট হাণ্ড্ৰেদ খনেৰে হাওৰাঘাটৰ এখন ইংৰাজী মাধ্যমৰ বিদ্যালয়ত অধ্যয়ন কৰা নিজৰ কণমানি শিশুটিক নিজেই গাডী চলাই থবলৈ গৈছিল৷
ঘৰৰ পৰা প্ৰায় দুই কিলোমিটাৰ পথ অতিক্ৰম কৰাৰ লগে লগে ফুলনি জুনিয়ৰ বেচিক বিদ্যালয়ৰ সমীপৰ চাৰিআলিত বাওঁদিশৰ পৰা ৰাষ্ট্ৰীয় ঘাইপথলৈ আহি থকা এ এচ ০৯ ছি ২৯০৯ নম্বৰৰ যাত্ৰী বাহী টেম্পোখনৰ লগত সংঘৰ্ষ হোৱাৰ ফলত এল্ট’ কাৰ খনৰ যঠেষ্ঠ ক্ষতি সাধন হয় যদিও গাৰীৰ চালক অন্তৰীপা চুতীয়া আৰু কণমানি কন্যা শিশুটি আঘাটপ্ৰাপ্ত হয়৷ আনহাতে টেম্পোখন ঠাইতে লুটিখাই পৰাৰ ফলত যাত্ৰী সকল আঘাতপ্ৰাপ্ত হয়৷
