ষ্টাফ ৰিপ’ৰ্টাৰ:
ৰাজ্যত নিতৌ বৃদ্ধি পাইছে Covid-19ত আক্ৰান্ত লোকৰ সংখ্যা।যোৱা ২৪ ঘন্টাত ৰাজ্যত ১,৭৬,১৯৭ টা পৰীক্ষা সম্পাদন কৰাৰ পিছত নতুনকৈ ১,২৭৫ গৰাকী লোক কোভিড–১৯ত আক্ৰান্ত হোৱা বুলি পৰীক্ষাত ধৰা পৰিছে ৷
আনহাতে সোমবাৰৰ দিনটোত কামৰূপ মহানগৰ জিলাত সৰ্বাধিক ২০৯ গৰাকী, গোলাঘাটত ১০৬ গৰাকী, ডিব্ৰুগড়ত ৯০ জন আৰু কামৰূপ গ্ৰাম্য জিলাত ৬৯ গৰাকী ব্যক্তি ক’ৰোনাত আক্ৰান্ত হৈছে।সোমবাৰৰ দিনটোত আক্ৰান্তৰ গড় হৈছে ০.৭২ শতাংশ।
আনহাতে,সোমবাৰৰ দিনটোত মৃত্যু হৈছে ১৯ জন ব্যক্তিৰ৷ ইয়াৰ ভিতৰত বৰপেটাত ৪ জন, কামৰূপ মহানগৰ জিলাত ৩ জন, ডিব্ৰুগড়, কামৰূপ গ্ৰাম্য জিলাত ২জনকৈ আৰু বিশ্বনাথ, কাছাৰ, চিৰাং, দৰং, গোলাঘাট, হোজাই, লখিমপুৰ আৰু তিনিচুকীয়াত ১ জনকৈ ব্যক্তিৰ মৃত্যু হৈছে।
উল্লেখ্য যে সোমবাৰৰ দিনটোত ৰাজ্যত সুস্থ হৈছে ১,৪৬৯ জন লোক।ৰাজ্যত সুস্থৰ হাৰ ৯৬.৮৮ শতাংশ।
