[captainform id=”1286858″ lightbox=”1″ miliseconds=”3000″ type=”auto-popup”]
ASSAM TIMES POST
গুৱাহাটীঃ থাইলেণ্ডৰ বিমান সেৱা প্ৰতিষ্ঠান নকএয়াৰে অহা ২২ ছেপ্টেম্বৰৰপৰা গুৱাহাটী-বেংককৰ মাজত পৰিবহণ আৰম্ভ কৰিব। সপ্তাহত দুবাৰকৈ প্ৰৱৰ্তন হ’বলগীয়া এই পোনপটীয়া বিমান সেৱা আৰম্ভ হ’ব গুৱাহাটীৰপৰা।
মঙলবাৰে গুৱাহাটীৰ এখন অভিজাত হোটেলত অনুষ্ঠিত সংবাদমেলত এই কথা সদৰী কৰে ইয়াৰ চিচিঅ’ থাবিচাই আছাৰেয়াফাদকুলে।
তেওঁ জনোৱা মতে, গুৱাহাটীৰপৰা সপ্তাহৰ বৃহস্পতি আৰু দেওবাৰে, ইয়াৰ বিপৰীতে বেংককৰপৰা বুধ আৰু শনিবাৰে এই বিমান সেৱা প্ৰৱৰ্তন কৰা হ’ব। গুৱাহাটীৰপৰা এই বিমান সেৱা আৰম্ভ হ’ব নিশা ১.৪০ বজাত আৰু বেংককত গৈ উপস্থিত হ’ব পুৱা ৬ বজাত।
সংবাদমেলত ‘গ্ৰুপ কনকৰ্ড’ নামৰ বিমান পৰিবহণৰ বিশেষজ্ঞ প্ৰতিষ্ঠানটোৰ পৰিচালন সঞ্চালক পোখৰাজ সিং চুং, থাইলেণ্ড পৰ্যটন প্ৰাধিকৰণৰ সঞ্চালক ইছৰা ষ্টাপনাচেথ উপস্থিত থাকে। উল্লেখ্য এই সেৱা প্ৰৱৰ্তনৰ হেতু নকএয়াৰে বিশেষ অ’ফাৰো ঘোষণা কৰিছে।
