[captainform id=”1286858″ lightbox=”1″ miliseconds=”3000″ type=”auto-popup”]
ASSAM TIMES POST
দেৱব্ৰত বৰা, বেবেজীয়াঃ নগাঁও জিলাৰ জাজৰি ঢলপুৰীয়াৰ ৪৫ বছৰীয়া অৱনী বৰা নামৰ লোকজন কৰ্মসুত্ৰে হাইদৰাবাদত আছিল। এবছৰ কৰ্মস্থলীত থকা পিছত দেওবাৰে চেকেন্দ্ৰাবাদ টু গুৱাহাটী এক্সপ্ৰেছ ৰেলত ঘৰৰ অভিমুখে যাত্ৰা কৰিছিল।
সোমবাৰে নিশালৈকে তেওঁৰ পত্নী ৰূপা বৰাৰ সৈতে যোগাযোগ স্থাপন আছিল যদিও তাৰ পিছৰে পৰা স্বামীৰ লগত যোগাযোগ বিচিন্ন হৈ যায়। তাৰ পিছত আজি পুৱা হৰিচন্দ্ৰপুৰ থানাৰ পৰা পত্নীলৈ ফোন আহে যে ব্যক্তি জনক ৰেল পথৰ কাষৰ পৰা থানাৰ আৰক্ষীয়ে স্থানীয় লোকৰ সহযোগত আঘাতপাপ্ত অৱস্থাত উদ্ধাৰ কৰি বৰ্তমান চিকিৎসালয়ত ভৰ্তি কৰোৱা হৈছে ।
এইদৰে সঘনাই অসমৰ ব্যক্তি বহিঃৰাজ্যত কিয় সুৰক্ষিত নহয় তাক লৈ চিন্তনীয় বিষয় হৈ পৰিছে। ব্যক্তি জনক কোনোৱে ৰেলৰ পৰা পেলাই দিছে নে নিজে পৰিল সেয়া আৰক্ষীৰ তদন্তৰ পিছত হে পোহৰলৈ পোহৰলৈ আহিব।
পৰিয়ালৰ লোকে জানিব দিয়া মতে তেওঁলোকৰ আৰ্থিক অৱস্থা ভাল নহয় গতিকে পৰিয়ালবৰ্গই ব্যক্তিজনৰ চিকিৎসাৰ বাবে এতিয়া ৰাইজ তথা চৰকাৰৰ সহায়ৰ বাবে আহ্বান জনাইছে।
