ASSAM TIMES POST
শিৱসাগৰঃ শিৱসাগৰ জিলাৰ গৌৰীসাগৰৰ সোনতলিছিগাত আজি পুৱতি নিশা এক ভয়াবহ দুৰ্ঘটনা সংঘটিত হয়৷ বন বিভাগৰ তহলদাৰী কৰ্মীৰ এখন গাড়ী অচিনাক্ত গাড়ীয়ে খুন্দা মৰাৰ ফলত চাৰিজনকৈ বনকৰ্মী নিহত হোৱাৰ লগতে দুজন আহত হয়৷
প্ৰাপ্ত তথ্য মতে এখন দহ চকীয়া তেলৰ টেংকাৰে খুন্দা মাৰে৷ টেংকৰখনৰ খুন্দাত বন কৰ্মীৰ গাড়ীখন চিটিকি পৰেগৈ৷ ফলত থিতাতে নিহত হয় চাৰিজনকৈ বন কৰ্মী৷
নিহত বন কৰ্মীকেইজন হ’ল প্ৰশান্ত দত্ত (ফৰেষ্ট গাৰ্ড), বিপুল হাজৰিকা (ফৰেষ্ট গাৰ্ড), নিজাম আহমেদ (গাড়ী চালক) আৰু প্ৰিয়ম৷ আনহাতে গুৰুতৰভাৱে আহত হয় বুবুল বৰুৱা (ৰেঞ্জাৰ) আৰু নিজামুদ্দিন আহমেদ (ফৰেষ্ট গাৰ্ড)৷
উল্লেখযোগ্য যে শিৱসাগৰৰ পৰা এএছ ০৪ টি ৫৭৩৭ নম্বৰৰ জিপছী গাড়ী এখনত গৈ আছিল বন বিভাগৰ দলটো৷
