ষ্টাফ ৰিপ’ৰ্টাৰ
মুখ্যমন্ত্ৰী সৰ্বানন্দ সোণোৱাল তথা বিজেপিৰ মুখপাত্ৰৰ ভূমিকাত নেচাৰ্চ বেকনৰ সঞ্চালক সৌম্যদ্বীপ দত্ত। মুখ্যমন্ত্ৰী সোণোৱালৰ প্ৰশংসাত পঞ্চমুখ পৰিৱেশকর্মী দত্ত।
গুৱাহাটী প্ৰেছ ক্লাৱত সংবাদমেল সম্বোধন কৰি দত্তই কয়- জয়পুৰ বৰ্ষাৰণ্য ধ্বংস বাবে দায়ী পূৰ্বৰ চৰকাৰ। সোণোৱাল নেতৃত্বাধীন চৰকাৰখন ইয়াৰ বাবে দায়ী নহয়। বৰ্তমানৰ মুখ্যমন্ত্ৰী সোণোৱালৰ প্ৰচেষ্টাত বৰ্ষাৰণ্য ৰাষ্ট্ৰীয় উদ্যানলৈ উন্নীতকৰণ কৰা হৈছে- দত্তই কয়।
ক’ল ইণ্ডিয়া আৰু অইল ইণ্ডিয়া লিমিটেডক বৰ্ষাৰণ্য খননৰ বাবে পূৰ্ব চৰকাৰে লিজত দিয়া বুলি উল্লেখ কৰে দত্তই। কিন্তু তাপৰ্যপূৰ্ণভাৱে কোনো চৰকাৰৰ নিৰ্দিষ্ট নাম তথা মন্ত্ৰী নাম প্ৰকাশ নকৰিলে।
গুৰুত্বপূৰ্ণ কথা ২০২৩ চনলৈকে লিজৰ ম্যাদ আছে খননৰ বাবে। ইফাল নিৰ্দিষ্ট সময়ৰ ভিতৰত খনন সম্পূৰ্ন নহ’ল লিজৰ সময় স্বতঃফুটভাৱে বৃদ্ধি হ’ব বুলিও তেওঁ লগতে কয়।
