ষ্টাফ ৰিপ’ৰ্টাৰ:
গুৱাহাটী চিকিৎসা মহাবিদ্যালয়ৰ আইচিউত চিকিৎসাধীন প্ৰাক্তন মূখ্যমন্ত্ৰী তৰুণ গগৈয়ে ৰাজ্যবাসীক সম্বোধন কৰি জনালে ধন্যবাদ। আইচিউৰ পৰাই থুঁকা-থুঁকি মাতেৰে তৰুণ গগৈয়ে ৰাইজৰ আশীৰ্বাদে তেওঁৰ মূল সম্পদ বুলি মন্তব্য কৰে।
দ্বিতীয়বাৰৰ বাবে অতি সংকটজনক অৱস্থাত প্ৰাক্তন মূখ্যমন্ত্ৰী গৰাকীক চিকিৎসালয়ত ভৰ্তি কৰোৱা হৈছিল। ভিডিঅ’ ক্লিপটোত তৰুণ গগৈয়ে তিতাবৰ, যোৰহাটৰ লগতে সমগ্ৰ অসমাবাসীক ধন্যবাদ জনায় কয় যে ৰাইজে দিয়া আশীৰ্বাদে আকৌ এবাৰ তেওঁক কাম কৰাৰ ক্ষেত্ৰত প্ৰেৰণা যোগাইছে।
আগলৈ তেওঁ কয় যে, “মই এতিয়াৰ পৰা সমাজৰ হকে কাম কৰিবলৈ আগবাঢ়ি আহিব বিচাৰিছো। ৰাইজৰ আশীৰ্বাদ বা ভগৱানৰ আশীৰ্বাদ নোপোৱা হ’লে আজি এই কাম কৰিবলৈ মই সম্ভৱ নহ’লো হয়। মই আশা কৰিছো অসমবাসী ৰাইজে মোক সদায় মৰম কৰিব। তিতাবৰবাসীয়ে মৰম কৰি আছেই। যোৰহাটবাসী আছে।”
