নিউজ ডেস্কঃ
সুধাকণ্ঠ ডক্টৰ ভূপেন হাজৰিকাৰ আজি ৯৪ সংখ্যক জন্মদিন।ৰাজ্যবাসীৰ লগতে বিশ্বৰ বিভিন্ন প্ৰান্তত বিশ্ববৰেণ্য শিল্পী গৰাকীক সহস্ৰ জনে সোঁৱৰণ কৰিছে।
১৯২৬ চনৰ আজি দিনটোতে শদিয়াত জন্মগ্ৰহণ কৰা শিল্পী গৰাকীৰ জন্ম দিনত গুৱাহাটী জালুকবাৰীস্থিত সমাধিস্থলীত সোঁৱৰণ কৰা হৈছে জনতাৰ শিল্পী গৰাকীক।অসম চৰকাৰৰ সাংস্কৃতিক মন্ত্ৰণালয়ৰ উদ্যোগত আয়োজন কৰা সুধাকন্ঠ জন্ম দিনৰ কাৰ্যসূচীত উপস্থিত থাকে মন্ত্ৰী নৱ কুমাৰ দলে, মুখ্যমন্ত্ৰী প্ৰেছ উপদেষ্টা ঋষিকেশ গোস্বামী, আয়ুক্ত সচিব প্ৰীতম শইকীয়া, শিল্পী সুদক্ষিণা শৰ্মা।
ইফালে বিশ্ব বৰেণ্য শিল্পী গৰাকীক সন্মান জনাই লখিমপুৰ উদীয়মান চিত্ৰশিল্পী নীলিম মহন্তই ৭.৩০ ঘন্টাত খানাপাৰা উৰণীয়া হেতুৰ তলত ৰং তুলিকাৰে জীপাল কৰি তুলিছে শিল্পী গৰাকীক।উৰে ৰাতি চিত্ৰশিল্পী গৰাকীয়ে উৰণীয়া হেতুৰ তলত অংকন কৰিলে হাজৰিকাৰ প্ৰতিচ্ছবি।
