ষ্টাফ ৰিপ’ৰ্টাৰ:
বিগত ৮ মাহ বন্দী হৈ থকা কৃষক নেতা অখিল গগৈৰ আইনী যুজঁলৈ ব্যাপক সঁহাৰি অসমবাসীৰ।বিগত এক সপ্তাহত গগৈৰ আইনী যুজঁলৈ অসমবাসীয়ে আগবঢ়ালে মুঠ ১১ লাখ ৩১ হাজাৰ ৩৬৬ টকা- এই কথা ৰাজহুৱা কৰিছে কৃষক মুক্তি সংগ্রাম সমিতিয়ে।
গগৈৰ আইনী যুঁজলৈ অসমবাসীৰ ৰাইজৰ সঁহাৰি ধন্যবাদ জনাই সংগঠনৰ সভাপতি ভাস্ক-ডি শইকীয়াই।তেওঁ কয় ‘দুই নম্বৰী ব্যৱসায়ী, ঠিকাদাৰ, ৰাজনৈতিক নেতাৰ ধন অহা নাই গগৈ আইনী যুঁজলৈ।ধন আহিছে অসমবাসীৰ দুখীয়া-নিচলা ৰাইজৰ পৰা।য’ত ১০টকা পৰা ১০০ টকা আগবঢ়োৱা ৰাইজৰ সংখ্যা বেছি।
গগৈক চৰকাৰে যিমানে ৰাষ্ট্ৰদ্ৰোহী সজাবলৈ চেষ্টা নকৰক কিয় ৰাইজৰ সঁহাৰিয়ে প্ৰমাণ কৰিছে অসমৰ ৰাইজৰ তেওঁ যে এগৰাকী বলিষ্ঠ নেতা- শইকীয়া লগতে কয়।
উল্লেখ দুগৰাকী শিল্পী মানস ৰবীন ২ লাখ, অনন্যা দত্তই ১০ হাজাৰ টকা আইনী যুজঁলৈ আগবঢ়োৱা বিপৰীতে বাকী কা’ বিৰোধী শিল্পী সকলৰ ফালৰ পৰা বৰ্তমানো আইনী সাহায্য লাভ কৰা নাই।
গুৱাহাটী গান্ধীবস্তি কৃষক মুক্তি মুখ্য কাৰ্যলয়ত সম্বোধন কৰা সংবাদমেল খনত অসমবাসীৰ ৰাইজক পুনৰ আহ্বান জনায় সংগঠনটোৱা কয়-গগৈ আইনী যুঁজখন অধিক জটিল হ’ব।এটা দিনৰ শুনানিত অধিবক্তাক প্ৰদান কৰিব লাগিব ৪-৫ লাখ টকা।সেই বাবে যিসকলে গগৈ মুক্তি হোৱাটো বিচাৰে তেওঁলোকে আইনী সাহায্য বাবে বৰঙণি এতিয়াও প্ৰদান কৰা আহ্বান জনায় সংগঠনটোৱা”।
গুৰুত্বপূৰ্ণ কথা এই যে অহা ২৮ আগষ্টত গুৱাহাটী উচ্চ ন্যায়ালয়ত গগৈৰ পক্ষ অধিবক্তাই আৱেদন দাখিল কৰিব-এই কথা জানিব দিয়ে সভাপতি শইকীয়াই।
