ষ্টাফ ৰিপ’ৰ্টাৰ:
সোমবাৰে ৰাজ্যত পুনৰ ১০৯৩ গৰাকী ব্যক্তিৰ দেহত ক’ভিড-১৯ পজিটিভ চিনাক্ত হৈছে। যোৱা ২৪ ঘন্টাত ৪৪৮ গৰাকী গুৱাহাটী মহানগৰীত চিনাক্ত হৈছে ক’ভিড-১৯ ৷ আনহাতে ৰাজ্যত বৰ্তমানলৈকে আক্ৰান্ত ৰোগীৰ সংখ্যা ২৫০৯২ লৈ বৃদ্ধি পায়। মাজনিশা টুইটাৰযোগে এই কথা উল্লেখ কৰিছে স্বাস্থ্য মন্ত্ৰী ড০ হিমন্ত বিশ্ব শৰ্মাই। ৰাজ্যত সম্প্ৰতি ৭৯৩৬ গৰাকী চিকিত্সাধীন হৈ থকাৰ বিপৰীতে আৰোগ্য হৈ উঠিছে ১৭,০৯৫ গৰাকী। আনহাতে ৰাজ্যত বিয়োগ হোৱা লোকৰ সংখ্যাও ৫৮ গৰাকীলৈ বৃদ্ধি পালে।
