ASSAM TIMES POST
নিউজ ডেস্ক:
ছেপ্টেম্বৰৰ ভিতৰতেই কোভিড-১৯ৰ প্রতিষেধক সৃষ্টিৰ লক্ষ্যত আগুৱাইছে অক্সফোর্ড বিশ্ববিদ্যালয়ৰ জেনাৰ ইনষ্টিটিউট। তেওঁলোকৰ দ্বাৰা তৈয়াৰী সম্ভাব্য প্রতিষেধকটি পৰীক্ষাৰ প্রথম ধাপ পাৰ কৰিছে। প্রাণীৰ পিছত মানুহৰ দেহত ইয়াৰ পৰীক্ষা আৰম্ভ হৈছিল এপ্রিলত।
এই পর্যন্ত ১০০০জনৰ ওপৰত প্রতিষেধক প্রয়োগ কৰা হৈছে। ফলাফল বিশ্লেষণ চলিছে। এইবাৰ এই পৰীক্ষাটি প্রচুৰ সংখ্যক মানুহ আৰু বয়স্কসকলৰ ওপৰত চলাব বিচাৰে অক্সফোর্ড বিশ্ববিদ্যালয়ে। তীব্ৰ গতিত তাৰ প্রস্তুতিও চলাইছে সমান্তৰালভাবে।
প্রতিষেধক পৰীক্ষাৰ বাবে তেওঁলোকে ব্রিটেইনৰ বিভিন্ন অংশৰ পৰা ১০,২৬০ ব্যক্তিক বাছি লৈছে সহযোগী সংস্থাসমূহৰ জৰিয়তে। তেওঁলোকৰ ভিতৰত ৫৬ৰ পৰা ৬৯ বছৰৰ লোকেই অধিক। কিছু সংখ্যকৰ বয়স ৭০ৰ বেছি আৰু ৫ৰ পৰা ১২ বছৰ বয়সীয়াও কিছু আছে। প্রবীণ, বৃদ্ধ আৰু শিশুসকলৰ ভিতৰত প্রতিৰোধ ক্ষমতা গঢ়ি উঠাৰ ক্ষেত্রত কেনেকুৱা কি তাৰতম্য হয় তাক লক্ষ্য কৰা হ’ব।
তৃতীয় পর্যায়ত হ’ব ১৮-ঊর্ধ্বসকলৰ ওপৰত পৰীক্ষা। দ্বিতীয় আৰু তৃতীয় পর্যায়ত সাবালকসকলৰ এটি অংশকো দিয়া হ’ব প্ৰমাণ-পত্র পোৱা কোনো প্রতিষেধক। ওপৰৰ অংশই পাব জেনাৰ ইনষ্টিটিউটৰ তৈয়াৰী প্রতিষেধক ChAdOx1। উভয় দলৰ মাজত ফলাফলৰ কি পাৰ্থক্য হৈছে, চোৱা হ’ব।
উল্লেখযোগ্য যে জেনাৰ ইনষ্টিটিউটে এই প্রতিষেধকটি তৈযাৰ কৰিছে অ্যাডেনোভাইৰাছৰ পৰা। যাৰ কাৰণে চিম্পাঞ্জীবোৰৰ সাধাৰণ চর্দি হৈয়ে থাকে। এই ভাইৰাছৰ জিনক এনেভাবে সলনি কৰা হৈছে, যাতে মানুহৰ দেহত সোমালেও কোনো কাৰণতেই ই সংখ্যাত বাঢ়িব নোৱাৰে। ইয়াৰ অলপ উপস্থিতিতেই দেহত অ্যান্টিবডি সৃষ্টি হ’ব, যিয়ে নোভেল কৰোনা ভাইৰাছৰ বিৰুদ্ধে যুদ্ধ কৰাৰ শক্তি যোগাব বুলি আশা কৰা হৈছে।
