৪ কোটি টকা বিচাৰি (Looking for 4 crore rupees) ভাবুকি দিছিল এটা আমেৰিকান পৰিয়ালক (A American family)। আমেৰিকাত ধনদাবীৰ অভিযোগত গ্ৰেপ্তাৰ হ’ল পঞ্জাবৰ এজন আৰক্ষী বিষয়া (A police officer from Punjab)। ধৃত ব্যক্তিজনৰ নাম গুৰিন্দৰজিৎ সিং নাগ্ৰা (Gurinderjit Singh Nagra)।
আৰক্ষীৰ সূত্ৰ অনুসৰি, আৰক্ষীয়ে অভিযুক্ত আৰক্ষী বিষয়াজনৰ বিৰুদ্ধে ধনদাবী আৰু দুৰ্নীতি আইনৰ অধীনত গোচৰ ৰুজু কৰিছে। অভিযোগ অনুসৰি, নাগ্ৰাই এটা আমেৰিকান পৰিয়ালক ৪ কোটি টকা দাবী কৰিছিল। কেৱল সেয়াই নহয়, দাবী অনুসৰি ধন নিদিলে পঞ্জাবত থকা তেওঁলোকৰ আত্মীয়ক হত্যাৰ মিছা অভিযোগত ফচোৱাৰ ভাবুকিও দিয়ে।
তদন্তকাৰীৰ সূত্ৰ অনুসৰি, আৰক্ষী বিষয়াজনে আমেৰিকাত গেংষ্টাৰ জগ্গু ভগৱানপুৰীয়াৰ বাবে কাম কৰা বুলি সন্দেহ কৰা হৈছে। গেংষ্টাৰৰ সৈতে নাগ্ৰাৰ সম্পৰ্কৰ তদন্ত অব্যাহত ৰাখিছে আমেৰিকাৰ গোচৰীয়াই। নাগ্ৰাৰ বিৰুদ্ধে আমেৰিকাৰ আদালতত গোচৰ ৰুজু হোৱাৰ পিছতো আৰক্ষীয়ে ধনদাবী আৰু দুৰ্নীতিৰ সৈতে জড়িত ধাৰাত পঞ্জাবত অভিযুক্ত আৰক্ষী বিষয়াজনৰ বিৰুদ্ধে গোচৰ ৰুজু কৰিছে। নাগ্ৰাই টাণ্ডা থানাৰ ষ্টেচন হাউছ অফিচাৰ (SHO) হিচাপে কৰ্মৰত। অভিযোগ অনুসৰি, লছ এঞ্জেলছৰ এটা পৰিয়ালৰ পৰা ৪ কোটি টকা আদায় কৰিবলৈ তেওঁ চেষ্টা কৰিছিল।
নাগ্ৰাৰ বিৰুদ্ধে গেংষ্টাৰৰ অভিযোগ উত্থাপন হোৱাৰ পিছতে হোছিয়াৰপুৰৰ আৰক্ষী অধীক্ষক সন্দীপ কুমাৰ মালিকে নাগ্ৰাক আৰক্ষীৰ চাকৰি এৰিবলৈ নিৰ্দেশ দিয়ে। আমেৰিকাৰ চোৰাংচোৱা সংস্থাই নাগ্ৰাৰ বিৰুদ্ধে উত্থাপন কৰা অভিযোগ সন্দৰ্ভত পঞ্জাব চৰকাৰ বা দিল্লীৰ পৰা কোনো আনুষ্ঠানিক তথ্য লাভ কৰা নাই বুলি আৰক্ষী অধীক্ষকগৰাকীয়ে জানিবলৈ দিয়ে। অৱশ্যে নাগ্ৰাৰ বিৰুদ্ধে স্বতঃপ্ৰণোদিত গোচৰ ৰুজু কৰি তদন্ত আৰম্ভ কৰা হৈছে।
