ASSAM TIMES POST
নিউজ ডেস্ক:
ক’ৰ’ণা ভাইৰাছত আক্ৰান্তৰ সংখ্যা যেনেদৰে বাঢ়িছে তাকে লৈ চিন্তা বাঢ়িছে বিজ্ঞানীসকলৰ। সমীক্ষা মতে, বুধবাৰেই সমগ্ৰ বিশ্বত আক্ৰান্তৰ সংখ্যাই ২০ লাখ অতিক্ৰম কৰিছে। গৱেষকসকলৰ মতে, এই সংখ্যা পাবলৈ
ক’ৰ’ণা ভাইৰাছৰ ৯৩ দিন সময় লাগিছিল যদিও এইবাৰ আক্ৰান্তৰ সংখ্যা বাঢ়িব আৰু দ্ৰুতগতিত। কাৰণ সংক্ৰমণ বৃদ্ধি পাইছে।এক পৰিসংখ্যাই কৈছে, আগন্তুক ১৩ দিনৰ ভিতৰত সমগ্ৰ বিশ্বজুৰি আৰু ১০ লাখ মানুহ ক’ৰ’ণাত আক্ৰান্ত হ’ব, যিটো আতংকৰ বিষয়।বুধবাৰে এই তথ্য প্ৰদান কৰি এক সমীক্ষা প্ৰকাশ কৰে John Hopkins বিশ্ববিদ্যালয়ে।
তেওঁলোকৰ দাবী, ইতিমধ্যেই ২০ লাখৰ ঘৰ পাৰ কৰিছে
ক’ৰ’ণা আক্ৰান্তৰ সংখ্যাই। আৰু ১০ লাখ মানুহ এই তালিকাত যোগ হ’বলৈ আগবাঢ়িছে। এই মাৰণ ভাইৰাছে ইতিমধ্যেই ১,৩০,৫২৮টা প্ৰাণ কাঢ়ি নিছে। সেয়ে মৃত্যুৰ সংখ্যা যে অধিক বৃদ্ধি পাব সেয়া কোৱা বাহুল্য মাথোঁ।
