ASSAM TIMES POST
ডিফু, ১৮ মাৰ্চ: সমগ্ৰ বিশ্বত কৰ’না ভাইৰাছে মহামাৰী ৰূপ লোৱাৰ সময়ত সমগ্ৰ দেশ তথা ৰাজ্যৰ লগতে পাহাৰীয়া জিলাৰ সদৰ চহৰ ডিফুতো বিশেষ সতৰ্কতা অৱলম্বন কৰা দেখা গৈছে ৷ এইলৈ আজি ডিফুত ডিষ্ট্ৰিক্ট লীগেল চাৰ্ভিছ চমুকৈ ডিএলএছএৰ উদ্যোগত বিশেষ সতৰ্কতা কাৰ্যসূচী গ্ৰহণ কৰে৷ ডিএলএছএৰ সচিব নাগিব আহমেদ (এজেএছএ)ৰ নেতৃত্বত সমগ্ৰ ডিফুত মাইকেৰে কৰ’না ভাইৰাছৰ বাবে ল’ৱলগীয়া সতৰ্কতা আৰু কৰ’না ভাইৰাছৰ লক্ষণসমূহৰ ওপৰত ৰাইজৰ মাজত সজাগতা সৃষ্টি কৰা হয়৷ মাইকত সজাগতা সন্দৰ্ভত অৱগত কৰে ডিএলএছএৰ কাৰ্যালয় সমন্বয়ক প্ৰিয়ঙ্কা শইকীয়াই ৷
কাৰ্যসূচীত সহযোগিতা আগবঢ়ায় পিএলভি ক্ৰমে, ছাৰলংকি টেৰণ, বিকি দাস, ছাৰমন তেৰাঙ, ডিএলএএছএৰ ষ্টাফ লংবিৰাম ইংতি আৰুদিপেন্দ্ৰ দাসে ৷ ডিএলএছএৰ কে’তবোৰ জনকল্যাণমূলক কামৰ বাবে স্থানীয় ৰাইজে উচ্চ প্ৰশংসা কৰা পৰিলক্ষিত হৈছে ৷
