আগন্তুক বৰ্ষাকাল (Monsoon season) আৰু সম্ভাৱ্য বান পৰিস্থিতিৰ প্ৰতি লক্ষ্য ৰাখি, ফুলনি ৰাজহ (Phulani Revenu Circle) চাৰ্কলৰ অন্তৰ্গত পূৰ্বে চিনাক্ত কৰা বান সাহায্য শিবিৰসমূহত (Flood Relief Camp) আজি এক ক্ষেত্ৰ পৰিদৰ্শন অনুষ্ঠিত কৰা হয়। এই পৰিদৰ্শনৰ মূল উদ্দেশ্য আছিল নিৰ্ধাৰিত কেন্দ্ৰসমূহৰ প্ৰস্তুতি পৰ্যালোচনা কৰা আৰু যিকোনো জৰুৰী পৰিস্থিতিত ক্ষতিগ্ৰস্ত লোকসকলৰ বাবে প্ৰয়োজনীয় সুবিধাসমূহ উপলব্ধ থকাটো নিশ্চিত কৰা।
পৰিদৰ্শনৰ সময়ত বিষয়াসকলে বকলীয়া ইংলিছ মিডিয়াম এইচ এছ স্কুল, বমৰুই এম.ই. স্কুল, ফুলনি ইংলিছ এল.পি. স্কুল, পদুমপুখুৰী এইচ এছ স্কুল আৰু মহামায়া পাহাৰ হাইলেণ্ড মুক্ত স্থান পৰিদৰ্শন কৰে, যাক অস্থায়ী আশ্ৰয়স্থল হিচাপে চিনাক্ত কৰা হৈছে। এই পৰিদৰ্শনত বিশেষকৈ আশ্ৰয় ব্যৱস্থা, খোৱাপানী, স্বাস্থ্য-চাফাই, যাতায়াতৰ সুবিধা আৰু জৰুৰীকালীন অৱস্থাত সাহায্য শিবিৰসমূহ সুচাৰুৰূপে চলোৱাৰ বাবে প্ৰয়োজনীয় অন্যান্য মৌলিক সুবিধাসমূহ পৰ্যালোচনা কৰা হয়।
চলিত দুৰ্যোগ প্ৰস্তুতি অভিযানৰ অংশ হিচাপে, ডিডিআৰএফ আৰু চিউআৰটি স্বেচ্ছাসেৱকসকলৰ দ্বাৰা ফুলনি আৰু ডিফু ৰাজহ চাৰ্কলৰ অন্তৰ্গত বিভিন্ন বিদ্যালয়ত সজাগতা কাৰ্যসূচীও অনুষ্ঠিত কৰা হয়। এই কাৰ্যসূচীৰ মূল লক্ষ্য আছিল ছাত্ৰ-ছাত্ৰী আৰু স্থানীয় লোকসকলৰ মাজত দুৰ্যোগ প্ৰস্তুতি, সুৰক্ষা ব্যৱস্থা আৰু বান তথা অন্যান্য প্ৰাকৃতিক দুৰ্যোগৰ সময়ত জৰুৰী সঁহাৰি সম্পৰ্কে সজাগতা সৃষ্টি কৰা।
