যদি তৃণমূল নেত্ৰী মমতা বেনাৰ্জীয়ে নিজে পদত্যাগ নকৰে, তেন্তে তাৰ একমাত্ৰ উপায় হ’ল তেওঁক পদৰ পৰা বৰ্খাস্ত কৰা । অসমৰ মুখ্যমন্ত্ৰী হিমন্ত বিশ্ব শৰ্মাই তেওঁক অতি তীক্ষ্ণ ভাষাত আক্ৰমণ কৰে।
এক সাক্ষাৎকাৰত হিমন্ত বিশ্ব শৰ্মাই কয়, “মমতা বেনাৰ্জীয়ে যদি পদত্যাগ নকৰে তেন্তে তেওঁক অপসাৰণ কৰা উচিত। বংগৰ ৰাইজে তেওঁৰ শাসন বহুদিন সহ্য কৰি আহিছে।”
একেৰাহে তিনিটা কাৰ্যকাল ক্ষমতাত থকাৰ পিছত ৪ মে’ত মমতা বেনাৰ্জীৰ তৃণমূল কংগ্ৰেছ দল বিজেপিৰ হাতত পৰাস্ত হয়। কিন্তু মঙলবাৰে মমতা বেনাৰ্জীয়ে পোনপটীয়াকৈ পদত্যাগ কৰিবলৈ অস্বীকাৰ কৰি ৰাজ্যখনত এক অভূতপূৰ্ব জটিলতাৰ সৃষ্টি কৰে। সন্ধিয়া মমতাই অহংকাৰী সুৰত কয়, “মই হাৰি যোৱা নাই, গতিকে মই ৰাজভৱনলৈ নাযাওঁ। মই পদত্যাগো নকৰো।”
বংগত বিজেপিৰ হাতত অপমানজনক পৰাজয়ৰ ২৪ ঘণ্টাৰ পাছতো মমতা বেনাৰ্জীয়ে নিজৰ স্থিতিত অটল হৈ থাকে। তৃণমূল কংগ্ৰেছৰ নেত্ৰীগৰাকীয়ে পদত্যাগ নকৰে বুলি স্পষ্ট কৰি দিয়ে।
তৃণমূলৰ প্ৰাৰ্থী নিৰ্বাচনত পৰাজিত নহ’লেও গেৰুৱা শিবিৰে বলপূৰ্বকভাৱে ইভিএম দখল কৰি নিৰ্বাচনত জয়ী হোৱাৰ অভিযোগ উত্থাপন তেওঁ কৰে। উল্লেখ্য যে বৰ্তমানৰ পশ্চিমবংগ চৰকাৰৰ কাৰ্যকাল ৬ মে’ত শেষ হ’ব।
