অনুদানৰ জৰিয়তে উপাৰ্জন (Earnings through grants)ৰ হিচাপত অন্য ৰাজনৈতিক দল (Political parties)বোৰতকৈ শীৰ্ষত আছে বিজেপি (BJP at the top)। ৰাজনৈতিক দলবোৰৰ ওপৰত সমীক্ষা সংস্থা ‘এচোচিয়েচন ফৰ ডেমোক্ৰেটিক্স ৰিফৰ্মছ’ চমুকৈ এ ডি আৰ (ADR)ৰ সাম্প্রতিক ৰিপোর্টত প্ৰকাশ পাইছে যে ২০২৪-২৫ বিত্তীয় বৰ্ষত, অর্থাৎ নৰেন্দ্র মোদীৰ নেতৃত্বত বিজেপিয়ে উপর্যুপৰি তৃতীয়বাৰৰ বাবে লোকসভা নিৰ্বাচনত বিজয় সাব্যস্ত কৰা বছটোত ৬৭৬৯ কোটি ১৪ লাখ টকা উপাৰ্জন (6769 crore 14 lakh rupees earned) কৰিছে।
নির্বাচন আয়োগৰ ওচৰত ৰাজনৈতিক দলবোৰে দাখিল কৰা আয়ৰ খতিয়ান বিশ্লেষণ কৰি বিজেপিসহ মুঠ ছটা ৰাষ্ট্ৰীয় দলৰ ২০২৪-২৫ বিত্তীয় বর্ষৰ উপাৰ্জনৰ খতিয়ান এ ডি আৰ ৰিপোর্ট দাঙি ধৰা হৈছে। সেই অনুসৰি, লোকসভা নিৰ্বাচন অনুষ্ঠিত হোৱা বছৰটোত দ্বিতীয় স্থানত থকা কংগ্রেছ (Congress)ৰ মুঠ আয় ৯১৮ কোটি ২৮ লাখ টকা (918 crore 28 lakh taka)।
আনহাতে, চিপিএম, আম আদমি পার্টি (আপ), বহুজন সমাজ পার্টি আৰু মেঘালয়ৰ মুখ্যমন্ত্রী কনৰাড চাংমাৰ দল নেচনেল পিপ’লছ পার্টি অব ইণ্ডিয়াও আছে এই তালিকাত। এ ডি আৰ ৰিপোর্ট অনুসৰি, ২০২৪-২৫ বিত্তীয় বৰ্ষত ছটা ৰাষ্ট্ৰীয় দলে সৰ্বমুঠ ৭,৯৬০ কোটি ৯ লক্ষ টকা আয়ৰ ঘোষণা কৰিছে। ইয়াৰে ভিতৰত মোট আয়ৰ ৮৫.০৩ শতাংশয়ে বিজেপিৰ জোলোঙালৈ গৈছে।
আনহাতে, বিগত লোকসভা নিৰ্বাচনত বিজেপিয়ে ব্যয় কৰিছে ৩,৭৭৪ কোটি ৫৮ লাখ টকা, যিটো মুঠ উপাৰ্জনৰ ৫৫ শতাংশৰ অলপ বেছি। ইফালে কংগ্রেছৰ ব্যয় হৈছে ১১১১ কোটি ৯৪ লাখ টকা, যিটো উপার্জনতকৈ ২১ শতাংশ (১৯৩.৬৬ কোটি টকা) বেছি। একেদৰে, ২০২৪-২৫ বিত্তীয় বর্ষত চিপিএমৰ আয় ১৭২ কোটি ৬০ লাখ টকাৰ বিপৰীতে খৰচ ১৭৩ কোটি ৮৬ লাখ, বিএছপিৰ আয় ৫৮ কোটি ৫৮ লাখ টকাৰ বিপৰীতে খৰচ ১০৬ কোটি ৩০ লাখ টকা, আপৰ আয় ৩৯ কোটি ২৮ লাখ টকাৰ বিপৰীতে খৰচ ৩৬ কোটি ৪৬ লাখ টকা।
উল্লেখযোগ্য যে ২০২৩-২৪ বৰ্ষৰ পৰা ২০২৪-২৫ বৰ্ষ পর্যন্ত বিজেপিৰ আয় ৫৫.৯৫ শতাংশ (২,৪২৮ কোটি ৬৭ লাখ টকা) বৃদ্ধি পাইছে। ইয়াৰ বিপৰীতে কংগ্রেছৰ আয় ২৫.০৫ শতাংশ (৩০৬ কোটি ৮৩ লাখ টকা) হ্রাস পাইছে। আনহাতে, আপৰ আয় বৃদ্ধি হৈছে ৭৩.২০ শতাংশ (১৬ কোটি ৬০ লাখ টকা)। চিপিএমৰ আয় বৃদ্ধি পাইছে ২.৯৬ শতাংশ (৪ কোটি ৯৬ লাখ টকা), মায়াৱতীৰ দলৰ আয় ৯.৫৬ শতাংশ (৬ কোটি ১৯ লাখ টকা) হ্ৰাস পাইছে।
