আবকাৰী দুৰ্নীতিৰ গোচৰ (Case of Excise Corruption)ত দিল্লী আদালতৰ ৰায় (Delhi court’s verdict) শুনাৰ পাছত কান্দি উঠে (Crying) দিল্লীৰ প্ৰাক্তন মুখ্যমন্ত্ৰী (Former Chief Minister of Delhi) অৰবিন্দ কেজৰিৱালে (Arvind Kejriwal)। আদালতে তেওঁক আৰু প্ৰাক্তন উপ-মুখ্যমন্ত্ৰী (Dy. CM) মনীষ ছিছ’দিয়াক (Manish Sisodiya) এই গোচৰৰ পৰা মুক্ত (Free from case) কৰিছে। ইয়াৰ লগতে আম আদমী পাৰ্টিৰ আন ২১ জন নেতাকো দোষমুক্ত কৰা হৈছে। আদালতে কয় যে চিবিআয়ে দিয়া অভিযোগনামাত বহু ত্ৰুটি আছে। উপযুক্ত প্ৰমাণৰ অভাৱত কেজৰিৱালক মুকলি কৰি দিয়া হৈছে। আবকাৰী গোচৰত দীৰ্ঘদিন ধৰি জে’লত আছিল কেজৰিৱাল আৰু মনীষ।
ইফালে আদালতৰ ৰায় শুনি কেজৰিৱালে বিজেপিক আক্ৰমণ কৰি কয়, “আপোনালোকে চকীখন বিচাৰে, ভাল কাম কৰি উপাৰ্জন কৰক। দেশৰ সংবিধানৰ লগত এনেকৈ খেলা নকৰিব। মনীষ চিছ’দিয়া সৎ, আম আদমি পাৰীটি সৎ।” লগতে তেওঁ কয়, “বিজেপিয়ে ইটোৰ পিছত সিটো দোষ আমাৰ ওপৰত জাপি দিছিল, আদালতে সকলো খাৰিজ কৰিছে। সকলো অভিযুক্তক দোষমুক্ত কৰা হৈছে। মই আৰম্ভণিৰে পৰাই কৈছোঁ, সত্যৰ সদায় জয়। দেশৰ ন্যায়পালিকাৰ ওপৰত মোৰ বিশ্বাস আছিল। আমাক ন্যায় দিয়া ন্যায়াধীশজনক ধন্যবাদ।”
আনহাতে, প্ৰধানমন্ত্ৰী নৰেন্দ্ৰ মোদী আৰু কেন্দ্ৰীয় গৃহমন্ত্ৰী অমিত শ্বাহৰ বিৰুদ্ধে ষড়যন্ত্ৰৰ অভিযোগ দিল্লীৰ প্ৰাক্তন মুখ্যমন্ত্ৰীৰ। তেওঁ দাবী কৰে যে আপৰ পাঁচজন ডাঙৰ নেতাক বিজেপিয়ে লক্ষ্য কৰি লৈছিল। কেজৰিৱালে কয়, “চিছ’দিয়াক দুবছৰ জে’লত ৰখা হৈছিল। সমগ্ৰ গোচৰটো ভুৱা আছিল। আমাৰ ওপৰত বহুত বোকা নিক্ষেপ কৰা হ’ল। ২৪ ঘণ্টীয়া টিভি চেনেলত প্ৰদৰ্শিত হৈছিল বাতৰি। কোৱা হৈছিল কেজৰিৱাল দুৰ্নীতিগ্ৰস্ত, দুৰ্নীতিগ্ৰস্ত।” ইয়াৰ পিছত হুকহুকাই কান্দি দিয়ে কেজৰিৱালে। তেওঁ কয় যে তেওঁক ঘৰৰ পৰা টানি আনি জে’ললৈ পঠিওৱা হৈছিল। ছমাহৰ বাবে তেওঁক বন্দী কৰি ৰখা হৈছিল। তেতিয়া তেওঁ কান্দিব পৰা নাছিল। আদালতৰ নিৰ্দেশ শুনি তেওঁ কান্দি উঠিল।
উল্লেখ্য যে ২০২৪ চনৰ জুন মাহত আবকাৰী গোচৰত কেজৰিৱালক গ্ৰেপ্তাৰ কৰিছিল চিবিআয়ে। একেৰাহে তিনিদিন জেৰাৰ অন্তত তেওঁক গ্ৰেপ্তাৰ কৰা হয়। পিছত ইডিয়েও গ্ৰেপ্তাৰ কৰে। কিন্তু কেজৰিৱালে মুখ্যমন্ত্ৰীৰ পদৰ পৰা পদত্যাগ নকৰে। ফলত তেওঁ কাৰ্যকালত কাৰাগাৰত বন্দী হোৱা দেশৰ প্ৰথমজন মুখ্যমন্ত্ৰী হিচাপে পৰিগণিত হয়। পিছত উচ্চতম ন্যায়ালয়ৰ নিৰ্দেশত কেজৰিৱালক জে’লৰ পৰা মুকলি কৰি দিয়া হয়। অৱশ্যে তেওঁৰ বিৰুদ্ধে গোচৰ চলি আছিল। আদালতে তেওঁক চিবিআই গোচৰৰ পৰা মুকলি কৰি দিয়ে। এই বিতৰ্কৰ পিছত দিল্লীৰ নিৰ্বাচনত কেজৰিৱালৰ দল পৰাজিত হয়। ক্ষমতালৈ আহে বিজেপি।
