বৃহস্পতিবাৰে নিশা দিছপুৰৰ লোকসেৱা ভৱনত ৰাজ্য চৰকাৰৰ সাপ্তাহিক কেবিনেট বৈঠক অনুষ্ঠিত হয়। মুখ্যমন্ত্রী হিমন্ত বিশ্ব শৰ্মাৰ (Himanta Biswa Sarma) অধ্যক্ষতাত অনুষ্ঠিত কেবিনেট বৈঠকত গ্ৰহণ কৰা সিদ্ধান্তসমূহ হৈছে:
– জুবিন গাৰ্গৰ হত্যাৰ গোচৰ ফাষ্ট ট্রেক আদালত বা এক্সক্লুচিভ আদালতত চলোৱাৰ বাবে কেবিনেটত সিদ্ধান্ত গ্ৰহণ।
– কণ্ঠশিল্পী প্ৰয়াত ৰাজীৱ শদিয়াৰ পত্নী উপাসনা বকলিয়াল গগৈলৈ চৰকাৰী চাকৰি। উপাসনা বকলিয়াল গগৈক তিনিচুকীয়া জিলাত ৰাজ্য চৰকাৰৰ তৃতীয় বৰ্গৰ চাকৰি দিয়াৰ বাবে কেবিনেটত অনুমোদন।
– চাহ শ্ৰমিকৰ অন্তৰ্ৱৰ্তীকালীন মজুৰি বৃদ্ধিৰ সিদ্ধান্ত। ১ এপ্ৰিলৰ পৰা কাৰ্যকৰী হোৱাকৈ এই মজুৰি ৩০ টকাকৈ বৃদ্ধি।
– ব্ৰহ্মপুত্র উপত্যকাৰ চাহ শ্ৰমিকে পাব দৈনিক ২৮০ টকা মজুৰি।
– বৰাক উপত্যকাৰ চাহ শ্ৰমিকা পাব দৈনিক ২৬৮ টকা মজুৰি।
– লোক নিৰ্মাণ বিভাগৰ ৫৭ কনিষ্ঠ অভিযন্তাৰ চাকৰি নিয়মীয়াকৰণৰ সিদ্ধান্ত।
– মিছন বসুন্ধৰাৰ অধীনত ৩২৬ টা পৰিয়ালক ভূমিপট্টা প্ৰদানৰ সিদ্ধান্ত।
– সতী সাধনী বিশ্ববিদ্যালয়ৰ সমীপত ল’ৰা আৰু ছোৱালীৰ বাবে দুটা আৱাস নিৰ্মাণৰ সিদ্ধান্ত।
– মিউজিয়াম নিৰ্মাণৰ বাবে গোলাঘাট জিলা চুতীয়া ছাত্র সন্থাক ৮ বিঘা মাটি আবণ্টন
– শ্ৰীভূমি জিলাৰ পাথাৰকান্দিত কৃষি বিশ্ববিদ্যালয় নিৰ্মাণৰ বাবে অনুমোদন। নিৰ্মাণ ব্যয় ১২২ কোটি নিৰ্ধাৰণ।
– গুৱাহাটীৰ ধাৰাপুৰত জাহাজ নিৰ্মাণৰ বাবে এটা কোম্পানীক অনুমতি প্ৰদান কেবিনেটৰ।
– ইণ্টিগ্ৰেটেড চি পি আৰ আৰু কণ্টেইনাৰ নিৰ্মাণৰ বাবে ভাৰত এ টু জেড প্ৰাইভেট লিমিটেডে ব্যয় কৰিব ৪৭৫ কোটি।
– শিলচৰত প’ল’ টাৱাৰ হোটেলক এখন পঞ্চ তাৰকাযুক্ত হোটেল নিৰ্মাণৰ অনুমতি প্ৰদান। ইয়াৰ বাবে ব্যয় কৰিব ১০৩ কোটি টকা।
– ২৪১ টা পথ নিৰ্মাণৰ বাবে আৰ আই ডি এফৰ অধীনত ৫১৯ কোটি টকা লোক নিৰ্মাণ বিভাগক অনুমোদন।
– ১১ মাৰ্চত মুখ্যমন্ত্রীৰ আত্মনিৰ্ভৰ অসম অভিযানৰ দ্বিতীয় কিস্তিৰ ধন মুকলিৰ সিদ্ধান্ত। ইয়াৰ বাবে প্ৰয়োজনীয় ১৩০ কোটি টকা অনুমোদন।
– পঞ্চায়ত আৰু গ্ৰামোন্নয়ন বিভাগৰ ঠিকভিত্তিক কৰ্মচাৰীৰ চাকৰি ৬০ বছৰলৈ বৃদ্ধিৰ সিদ্ধান্ত।
– ৪৫ বছৰৰ ওপৰৰ কৰ্মচাৰীৰ ক্ষেত্ৰত এই সিদ্ধান্ত প্ৰযোজ্য হ’ব।
– ৩৩,৬৫৬ গৰাকী আশাকৰ্মী আৰু ২,৫৭০ গৰাকী আশা ছুপাৰভাইজাৰক স্কুটি প্ৰদানৰ সিদ্ধান্ত।
– ১০ মাৰ্চৰ পুৱা ১১ বজাত ৰাজ্যৰ ৪৯ লাখ ৭০ হাজাৰ অৰুণোদয় হিতাধিকাৰীলৈ ৯ হাজাৰ টকাকৈ হস্তান্তৰৰ সিদ্ধান্ত। ইয়াৰ বাবে এটা দিনত ৰাজ্য চৰকাৰৰ ব্যয় হ’ব ৩৬০০ কোটি টকা।
– ৪ মাৰ্চত উদ্বোধন হ’ব গুৱাহাটীৰ ভৰলুমুখৰ উৰণ সেতু। প্ৰাক্তন কেন্দ্ৰীয় মন্ত্রী দীনেশ গোস্বামীৰ নামত উছৰ্গা কৰা হ’ব।
– ১১ মাৰ্চত মুকলি কৰা হ’ব যোৰহাটৰ উৰণ সেতু।
– ১১ মাৰ্চত ডিফু, লামডিং, লংকা, তিনিচুকীয়া আৰু দুলীয়াজানৰ উৰণ সেতু মুকলিৰ পৰিকল্পনা।
– গুৱাহাটীৰ চানমাৰিৰ উৰণ সেতু ১০ মাৰ্চত মুকলি কৰা হ’ব।
