অহা ১৪ মাৰ্চত প্ৰধানমন্ত্ৰী নৰেন্দ্ৰ মোদী (PM Narendra Modi) পুনৰ অসম ভ্ৰমণ (Assam visit) লৈ আহিব। এমাহৰ ভিতৰতে এইটো হ’ব প্ৰধানমন্ত্ৰী মোদীৰ দ্বিতীয়টো অসম ভ্ৰমণ। এইবাৰ তেওঁৰ ভ্ৰমণৰ মুখ্য স্থান হৈছে বৰাক উপত্যকা (Barak velley)। এই কথা প্ৰকাশ কৰিছে মুখ্যমন্ত্ৰী ডঃ হিমন্ত বিশ্ব শৰ্মাই। মুখ্যমন্ত্ৰীয়ে লগতে জনায় যে প্ৰধানমন্ত্ৰীৰ এই বৰাক ভ্ৰমণৰ সময়তে গুৱাহাটী-শিলচ (Guwahati-Silchar)ৰ সংযোগী ২২ হাজাৰ কোটি টকাৰ এক্সপ্ৰেছৱে প্ৰকল্প (Expressway Project)ৰ তেওঁ শিলান্যাস (Foundation stone laying) কৰিব। শুকুৰবাৰে শিলচৰত এক কাৰ্যসূচীত অংশগ্ৰহণ কৰি সাংবাদিকৰ আগত মুখ্যমন্ত্ৰীয়ে কয় যে এই এক্সপ্ৰেছৱে নিৰ্মাণৰ পিছত গুৱাহাটী আৰু শিলচৰৰ মাজত যাত্ৰাৰ সময় বৰ্তমানৰ প্ৰায় ৮ ঘণ্টা কমি চাড়ে চাৰি ঘণ্টা হ’ব। ইতিমধ্যে ইয়াৰ বাবে নিবিদা প্ৰক্ৰিয়াৰ লগতে বন বিভাগৰ সেউজ সংকেতো লাভ কৰা হৈছে বুলি মুখ্যমন্ত্ৰীয়ে জনায়।
তেওঁ লগতে কয় যে ভূমি অধিগ্ৰহণৰ প্ৰক্ৰিয়াও ভালদৰে আগবাঢ়িছে আৰু সোনকালেই এই পথ নিৰ্মাণৰ কাম আৰম্ভ হ’ব। উল্লেখযোগ্য যে প্ৰধানমন্ত্ৰীয়ে তেওঁৰ ভ্ৰমণকালত শিলচৰৰ নৱনির্মিত উৰণ সেতুখনো উদ্বোধন কৰিব বুলি মুখ্যমন্ত্ৰীয়ে লগতে কয়। আনহাতে, শিলচৰৰ প্ৰস্তাৱিত গ্ৰীণফিল্ড বিমানবন্দৰৰ বাবে ৰাজ্য চৰকাৰে ইতিমধ্যে পৰিৱেশ বিভাগৰ অনুমোদন লাভ কৰা বুলি মুখ্যমন্ত্ৰীয়ে কয়। অৱশ্যে এই কামৰ বাবে কিছু সময় লাগিব আৰু বিধানসভা নিৰ্বাচনৰ পিছত কাম আৰম্ভ হ’ব বুলিও তেওঁ কয়।
