মহিলাৰ বুকুত হাত দিলে বা পায়জামাৰ ৰছী টানিলেই ‘ধৰ্ষণৰ চেষ্টা’ বুলি গণ্য কৰা হ’ব। মঙলবাৰে উচ্চতম ন্যায়ালয়ে (Suprem Court) কয় যে এগৰাকী মহিলাৰ বুকুত হাত (Hand on a woman’s chest) দিলে বা তেওঁৰ পায়জামাৰ ৰছী (Pajama string) খুলিবলৈ চেষ্টা কৰাটো নিশ্চিতভাৱে ধৰ্ষণৰ চেষ্টা (Attempted rape) বুলি গণ্য কৰা হ’ব (Will be counted)। এলাহাবাদ উচ্চ ন্যায়ালয়ৰ এক ৰায় নাকচ কৰাৰ সময়ত মুখ্য ন্যায়াধীশৰ বিচাৰপীঠে পৰ্যবেক্ষণ কৰে যে ন্যায়াধীশসকলৰ বাহিৰেও দেশৰ ন্যায়পালিকাৰ সৈতে জড়িত সকলোৱে যৌন অপৰাধৰ গোচৰৰ প্ৰতি অধিক সংবেদনশীল হ’ব লাগে। এই সন্দৰ্ভত প্ৰয়োজনীয় পৰামৰ্শ আগবঢ়াবলৈ বিশেষজ্ঞ সমিতি গঠনৰ নিৰ্দেশো প্ৰদান কৰে শীৰ্ষ ন্যায়ালয়ে। উল্লেখ্য যে ২০২৫ চনৰ মাৰ্চ মাহত এলাহাবাদ উচ্চ ন্যায়ালয়ে কৈছিল যে ছোৱালীৰ বুকুত স্পৰ্শ কৰা বা পায়জামাৰ ৰছী খুলিবলৈ চেষ্টা কৰাটো ধৰ্ষণ বা ধৰ্ষণৰ চেষ্টা বুলি গণ্য কৰা নহ’ব।
এগৰাকী ১১ বছৰীয়া কিশোৰীক দুজন যুৱকে নিৰ্যাতন চলোৱাৰ অভিযোগ উঠিছিল। অভিযোগ অনুসৰি, এক নিৰ্জন কালভাৰ্টত ছোৱালীজনীৰ বুকুত হাত দিছিল। তেওঁৰ পায়জামাৰ ৰছী খুলিবলৈ চেষ্টা কৰিছিল। নিম্ন আদালতে পক্সো (POCSO) আইনৰ ধাৰা ১৮ৰ ধাৰা ৩৭৬ (অপৰাধ সংঘটিত কৰাৰ চেষ্টা) প্ৰয়োগ কৰে। অৱশ্যে উচ্চ ন্যায়ালয়ে অভিযুক্তৰ বিৰুদ্ধে ভাৰতীয় ন্যায় সংহিতাৰ ৩৫৪-বি (বলপূৰ্বক কাপোৰ আঁতৰোৱা) ধাৰাত বিচাৰ চলাবলৈ নিৰ্দেশ দিয়ে।
ইয়াৰ উপৰি পক্সোৰ ধাৰা ৯ আৰু ১০ৰ অধীনত তেওঁলোকৰ বিচাৰ হ’ব লাগে বুলিও কোৱা হয়। এলাহাবাদ উচ্চ ন্যায়ালয়ৰ ন্যায়াধীশ ৰাম মনোহৰ নাৰায়ণ মিশ্ৰৰ বিচাৰপীঠে কয় যে অভিযুক্ত দুজনৰ বিৰুদ্ধে দাখিল কৰা অভিযোগ ধৰ্ষণ বা ধৰ্ষণৰ চেষ্টাৰ গোচৰ নহয়। অৱশ্যে ই নিশ্চিতভাৱে যৌন নিৰ্যাতনৰ গোচৰ। ধৰ্ষণৰ চেষ্টাৰ গোচৰ ৰুজু কৰিবলৈ চৰকাৰী অভিযুক্তই প্ৰমাণ কৰিব লাগিব যে ঘটনাটো ধৰ্ষণৰ দিশে আগবাঢ়িছিল। উচ্চ ন্যায়ালয়ে লগতে কয় যে অপৰাধ সংঘটিত কৰিবলৈ প্ৰস্তুতি আৰু প্ৰকৃত প্ৰচেষ্টাৰ মাজত পাৰ্থক্য আছে। উচ্চ ন্যায়ালয়ৰ এই ৰায়ক লৈ বিতৰ্কৰ সৃষ্টি হৈছিল।
মাৰ্চ মাহত এলাহাবাদ উচ্চ ন্যায়ালয়ৰ ৰায়ক লৈ বিতৰ্ক আৰম্ভ হোৱাৰ লগে লগে ন্যায়াধীশ বি আৰ গাভাই আৰু অগাষ্টিন জৰ্জ মাছিৰ বিচাৰপীঠে তেওঁলোক দুখিত বুলি কয়। শীৰ্ষ আদালতে লগতে কয় যে ৰায়দানত “সম্পূৰ্ণ সংবেদনশীলতাৰ অভাৱ” আছে। উচ্চতম ন্যায়ালয়ে উচ্চ ন্যায়ালয়ৰ নিৰ্দেশক প্ৰত্যাহ্বান জনোৱা ‘উই দ্য উইমেন অব ইণ্ডিয়া’ নামৰ এটা সংগঠনৰ পিছতে উচ্চতম ন্যায়ালয়ে গোচৰটোৰ স্বতপ্ৰণোদিতভাৱে শুনানি গ্ৰহণ কৰে। উচ্চ ন্যায়ালয়ৰ ৰায়ৰ বিৰুদ্ধে মাতৃয়েও উচ্চতম ন্যায়ালয়ত আবেদন জনায়। ইয়াক মূল গোচৰৰ লগত সংযুক্ত কৰা হয়। সেই গোচৰত মঙলবাৰে উচ্চতম ন্যায়ালয়ে এই ৰায় দিয়ে।
