মুখ্য নিৰ্বাচন আয়ুক্ত (CEC) জ্ঞানেশ কুমাৰক অপসাৰণৰ দাবীত (Demand for the removal of Gyanesh Kumar) দিল্লীৰ প্ৰতিবাদ (Delhi protested) গৈ হাৰ্ভাৰ্ড বিশ্ববিদ্যালয় (Harvard University) পাইছে। এই ঘটনাক লৈ এই বিশ্ববিদ্যালয়ৰ প্ৰাক্তন ছাত্ৰৰ দুটা গোটৰ (Two groups of former students) মাজত মতানৈক্য। প্ৰতিবাদকাৰীক গ্ৰেপ্তাৰ কৰা আৰু এই আন্দোলনত আৰক্ষীৰ ভূমিকাক গৰিহণা দিছে প্ৰাক্তন ছাত্ৰৰ এটা দলে। আনহাতে, আন এটা গোটে ইয়াৰ বিপৰীত স্থিতি গ্ৰহণ কৰি আন্দোলনক ‘সমালোচনা’ কৰি নৰেন্দ্ৰ মোদী চৰকাৰৰ কাষত থিয় দিছে। ফলত দিল্লীৰ আন্দোলন সন্দৰ্ভত প্ৰাক্তন ছাত্ৰ-ছাত্ৰীৰ দুয়োটা গোটৰ মাজত থকা মতানৈক্য পোহৰলৈ আহিছে।
১২ অক্টোবৰত ১০০ জন প্ৰাক্তন ছাত্ৰ-ছাত্ৰীয়ে প্ৰতিবাদত চৰকাৰৰ ভূমিকাক সমালোচনা কৰি এক বিবৃতি প্ৰকাশ কৰে। ইয়াত কোৱা হয়, “আমি আৰক্ষীৰ আক্ৰমণ, অবৈধ আটক আৰু সকলো প্ৰতিবাদকাৰীৰ বিৰুদ্ধে সাংবিধানিক অধিকাৰ উলংঘাক তীব্ৰ গৰিহণা দিছো।” প্ৰাক্তন ছাত্ৰ-ছাত্ৰীসকলে চৰকাৰ আৰু প্ৰতিবাদত আৰক্ষীৰ ভূমিকাক গৰিহণা দি এক বিবৃতি প্ৰকাশ কৰাৰ পিছতে হাৰ্ভাৰ্ডৰ আন এটা প্ৰাক্তন ছাত্ৰ-ছাত্ৰীৰ দলে চৰকাৰৰ সৈতে থিয় হৈ প্ৰতি বিবৃতি প্ৰকাশ কৰে।
বুধবাৰে হাৰ্ভাৰ্ডৰ প্ৰাক্তন ছাত্ৰ বুলি দাবী কৰা ৪৪ জনীয়া দলটোৱে এক বিবৃতি প্ৰকাশ কৰে। তেওঁলোকে “সাংবিধানিক প্ৰতিষ্ঠানসমূহৰ ওপৰত আক্ৰমণ”ক লৈ উদ্বেগ প্ৰকাশ কৰে। বিবৃতিটোত কোৱা হৈছে যে ভাৰতৰ সাংবিধানিক প্ৰতিষ্ঠান যেনে নিৰ্বাচন আয়োগ, উচ্চতম ন্যায়ালয় আৰু মুখ্য ন্যায়াধীশৰ বিৰুদ্ধে যিধৰণে নেতিবাচক অপপ্ৰচাৰ চলোৱা হৈছে সেয়া অত্যন্ত চিন্তনীয়। কেৱল সেয়াই নহয় দ্বিতীয় গোটটোৱে প্ৰথম গোটৰ কিছুমান শব্দৰ ওপৰতো আপত্তি কৰে।
উল্লেখ্য যে জ্ঞানেশ কুমাৰক অপসাৰণৰ দাবীত বিগত কিছুদিন ধৰি দিল্লী অস্থিৰ হৈ আছে। ককৰোচ জনতা পাৰ্টীকে ধৰি ছাত্ৰ সংগঠনে ৰাজধানীত আন্দোলন আৰম্ভ কৰিছে। শনিবাৰে চিজেপিয়ে যন্তৰ-মন্তৰ অভিযানৰ আহ্বান জনায়। প্ৰতিবাদকাৰীক বাধা দিবলৈ বৃহৎসংখ্যক আৰক্ষী আৰু অৰ্ধসামৰিক বাহিনী মোতায়েন কৰা হয়। প্ৰতিবাদকাৰীৰ সৈতে আৰক্ষী বিবাদত লিপ্ত হয়। শ শ প্ৰতিবাদকাৰীক গ্ৰেপ্তাৰ কৰা হয়। দেওবাৰে চিজেপিকে ধৰি ছাত্ৰ সংগঠনসমূহেও আন্দোলন কৰে। আৰক্ষীৰ বিৰুদ্ধে প্ৰতিবাদকাৰীক আক্ৰমণ কৰাৰ অভিযোগ উত্থাপন হৈছে। এই সন্দৰ্ভত বিৰোধী দলসমূহে মাত মাতিছে। জ্ঞানেশ কাণ্ডত দিল্লীত উত্তপ্ত পৰিস্থিতি সৃষ্টি হোৱাৰ সময়তে এই ঘটনাক লৈ হাৰ্ভাৰ্ড বিশ্ববিদ্যালয়ৰ প্ৰাক্তন ছাত্ৰৰ দুটা গোটৰ মাজত সংঘাত আৰু মতানৈক্যও পোহৰলৈ আহে।
