সোমবাৰৰ পৰা আৰম্ভ হোৱা হিমন্ত বিশ্ব শৰ্মা চৰকাৰৰ অন্তিমখন বাজেট অধিৱেশন (Final budget session)ৰ দ্বিতীয়দিনা বিত্তমন্ত্ৰী অজন্তা নেওগে (Finance Minister Ajanta Neog) দাখিল কৰে অন্তিম বাজেট। অৱশ্যে এইখন পূৰ্ণাংগ বাজেট নহয়। অসম চৰকাৰে (Assam Govt.) ২০২৬-২৭ বিত্তীয় বৰ্ষৰ চাৰি মাহৰ বাবে ৬২,২৯৪.৭৮ কোটি টকাৰ লেখানুদান দাখিল কৰে।
কি কি আছে এই বাজেটত :-
লেখানুদান দাখিল কৰি বিধানসভাৰ মজিয়াত বিত্তমন্ত্ৰী অজন্তা নেওগে তলৰ তথ্যসমূহ দাঙি ধৰে :
- ২০২০-২১ বৰ্ষত ৰাজ্যত জনমূৰি আয় আছিল ৮৬,৯৪৭ টকা
- ২০২৫-২৬ বৰ্ষত জনমূৰি আয় ১,৮৫,৪২৯ টকা
- পাঁচ বছৰত জনমূৰি আয় বৃদ্ধি ১১৩ শতাংশ
- ২০২৮ চনৰ ভিতৰত অসম ১০ লাখ কোটি টকাৰ অৰ্থনীতিত পৰিণত হ’ব
- ২০১৫-১৬ বর্ষৰ পৰা মূলধনী ব্যয় ৮ গুণ বৃদ্ধি
- ২০১৯-২০ বৰ্ষৰ পৰা ২০২৪-২৫ বৰ্ষলৈ জি এছ ডি পিত বৃদ্ধি ৪৫ শতাংশ
- অসমৰ অৰ্থনৈতিক জৰীপত ২০২৬-২৭ বিত্তীয় বৰ্ষৰ বাবে ১৬.৯৩ শতাংশ বিকাশৰ হাৰ প্ৰক্ষেপ
- ৰাজ্যিক ঘৰুৱা উৎপাদন ৮,৭১,৪৫১ কোটিৰ পূৰ্বানুমান
- অসম মালাৰ অধীনত ৭৬৭ কিলোমিটাৰ পথ, ৩৫৬ কিলোমিটাৰ ৰাষ্ট্ৰীয় ঘাইপথ নিৰ্মাণ
- ধ্বজাবাহী আঁচনিৰ অধীনত ৪,১৭৬ কিলোমিটাৰ পথ সম্পূর্ণ, ৬,৯১৭ কিলোমিটাৰ নির্মীয়মাণ অৱস্থাত
- ২০২১ চনৰ পৰা বৰ্তমানলৈ ২১,৭০০ কিলোমিটাৰ পথ, ১,৩৩৯ খন দলং নির্মাণ
- ব্ৰহ্মপুত্ৰৰ ওপৰত ৮ খন দলং নির্মাণ সম্পূর্ণ, ৪ খন নিৰ্মীয়মাণ অৱস্থাত
- অসম দর্শন আঁচনিত ১,১৩২.৯৩ কোটি টকা মুকলি
- নিযুত বাবু আঁচনিত ১০০০-২০০০ টকা দিয়া হ’ব
- প্ৰধানমন্ত্ৰীৰ সূৰ্য ঘৰ আঁচনিত ৪৫ হাজাৰ ৰাজসাহায্য
- প্ৰধানমন্ত্রী আৱাস যোজনা আঁচনিত ৫ বছৰত ১৭,০৭,৯৮৭ গৃহ নিৰ্মাণ
- লাখপতি বাইদেউলৈ দ্বিতীয় পৰ্যায়ত ২৫ হাজাৰ প্ৰদানৰ ঘোষণা
- গুৱাহাটী, জাগীৰোড, পলাশবাৰীলৈ গঠন হ’ব দ্বৈত মহানগৰী
- বিমানবন্দৰৰ পৰা জাগীৰোডলৈ এলিভেটেড কৰিড’ৰৰ পৰিকল্পনা
- গুৱাহাটী-ডিব্ৰুগড়ৰ মাজত এক্সপ্ৰেছ কৰিড’ৰৰ পৰিকল্পনা
- গুৰুদক্ষিণা আঁচনিৰ জৰিয়তে অপ্ৰাদেশীকৃত শিক্ষক আৰু টিউটৰলৈ এককালীন সাহায্য
- শিক্ষকৰ চাকৰি প্ৰাদেশিকীকৰণৰ বাবে প’ৰ্টেল
- মাৰ্চ মাহৰ পৰা চাহ বাগানৰ শ্ৰমিকক ভূমিপট্টা প্ৰদান
- ৩.৫০ লাখ চাহ শ্ৰমিকৰ পৰিয়াললৈ ভূমিৰ অধিকাৰ
- ৰাজ্যত ৫টা নতুন বিমানবন্দৰ স্থাপনৰ পৰিকল্পনা
- নগাঁও, ডিফু, উমৰাংছ’, মাজুলী আৰু মানাহত হ’ব বিমানবন্দৰ
- ২৫০ টকাৰ পৰা ৪০০ টকালৈ বৃদ্ধি বৃদ্ধ পেঞ্চন
- ৩০০ টকাৰ পৰা ১২৫০ টকালৈ বৃদ্ধি বিধৱা পেঞ্চন
- ১৫০০ টকাৰ পৰা ২০০০ টকালৈ ৰান্ধনিৰ দৰমহা বৃদ্ধি
- ৬৫০০ টকাৰ পৰা ৮০০০ টকালৈ বৃদ্ধি অংগনবাড়ী কৰ্মীৰ দৰমহা
