ক্ৰমাৎ যেন শক্তি হেৰুৱাই আহিছে আলফা (স্বাধীন)-এ। পৰেশ বৰুৱা নেতৃত্বাধীন অসমৰ বিচ্ছিন্নতাবাদী সংগঠনটোৱে শেহতীয়াভাৱে কেইবাটাও আঘাতৰ সন্মুখীন হৈছে। আলফাৰ ম্যানমাৰ শিবিৰত আক্ৰমণৰ ঘটনাত কেইবাজনো নেতাৰ মৃত্যুৰ পিছত আন কেইবাজনো নেতাই আত্মসমৰ্পণ কৰিছে। এইবাৰ পুনৰ আলফা (স্বাধীন)ক মোক্ষম আঘাত দি আত্মসমৰ্পণ কৰে সংগঠনটোৰ শীৰ্ষ নেতা বাণ অসমে।
ইয়াৰ পূৰ্বে আত্মসমৰ্পণ কৰিছিল অৰুণোদয় দহোটীয়াই। উল্লেখযোগ্য যে আলফা (স্বাধীন)ৰ ম্যানমাৰ শিবিৰৰ কেম্প কমাণ্ডাৰ আছিল বাণ অসম। তেওঁ মঙলবাৰে অৰুণাচলৰ নামছাইত আত্মসমৰ্পণ কৰে। আত্মসমৰ্পণৰ সময়ত বাণ অসমে অসম আৰক্ষীৰ হাতত এটা এম কিউ ৰাইফল আৰু ১৫০ জাই সক্ৰিয় গুলী জমা দিয়ে।
