সমগ্ৰ দেশৰ লগত সংগতি ৰাখি শুকুৰবাৰে কাৰ্বি আংলং জিলাৰ সদৰ চহৰ ডিফুতো বঙ্কিমচন্দ্ৰ চট্টোপধ্যায়ৰ দ্বাৰা ৰচিত তথা জাতীয় চেতনাৰ আত্মা স্বৰূপ ‘বন্দে মাতৰম ‘ গীতৰ ডেৰশ বছৰীয়া গৌৰৱোজ্জল বৰ্ষৰ সোণালী ক্ষণ ৷
এই উপলক্ষে ডিফুৰ ছাৰছিং টেৰণ লাংকুং হাবে সোঁৱৰণি টাউন হলত কাৰ্বি আংলং জিলা প্ৰশাসনৰ উদ্যোগত ‘বন্দে মা তৰম গীত’ টি ৰাজহুৱা ভাবে পৰিৱেশন কৰা হয় ৷ এইলৈ আয়োজিত অনুষ্ঠানত মুখ্য অতিথি হিছাপে উপস্থিত থাকে কাৰ্বি আংলং স্বায়ত্তশাসিত পৰিষদৰ মুখ্য কাৰ্যবাহী সদস্য তুলিৰাম ৰংহাঙ ৷
তদুপৰি সাংসদ অমৰছিং তিচ’ বিধায়কদ্বয় বিদ্যাছিং ইংলেঙ, দৰছিং ৰংহাঙ, পূৱ কাৰ্বি আংলং জিলা বিজেপিৰ সভাপতি ৰলেণ্ড কিলিঙ,জিলা আয়ুক্ত নিৰলা ফাংচপী, জিলা আৰক্ষী অধীক্ষক পুষ্পৰাজ সিঙ আৰু অনান্য গণ্যমান্য ব্যক্তি সকল উপস্থিত থাকে ৷
আনহাতে নতুন দিল্লীত প্ৰধান মন্ত্ৰী নৰেন্দ্ৰ মোদীৰ উপস্থিতিত ‘বন্দে মাতৰম’ৰ গৌৰৱোজ্জল ডেৰশ বছৰ উদযাপন কাৰ্যসূচীৰ পোনপটীয়া সমপ্ৰচাৰ দেখুৱা হয় ৷ ইয়াৰ পূৰ্বে জিলা আয়ুক্ত নিৰলা ফাংচ’পীয়ে বন্দে মাতৰম গীতৰ তাৎপৰ্য বাখ্যা কৰি আদৰণি ভাষণ প্ৰদান কৰে ৷
আনহাতে সাংবাদিকৰ সৈতে হোৱা বাৰ্তালাপত কাৰ্বি আংলং স্বায়ত্তশাসিত পৰিষদৰ মুখ্য কাৰ্যবাহী সদস্য তুলিৰাম ৰংহাঙে কয়যে, নৰেন্দ্ৰ মোদোৰ দূৰদৰ্শী চিন্তাৰ বাবে দেশ তথা জাতিৰ আত্মাস্বৰূপ বঙ্কিম চন্দ্ৰ চট্টোপধ্যায়ৰ অমৰ সৃষ্টি বন্দে মা তৰমৰ ডেৰশ বছৰীয়া গৌৰৱোজ্জল বৰ্ষ উদযাপন কৰা হৈছে ৷ এনে অনুষ্ঠানত উপস্থিত থাকি গৌৰৱ অনুভৱ কৰিছো
