অসম চৰকাৰৰ বসুন্ধৰা ২’০ ৰ আৰ্হিত কাৰ্বি আংলং স্বায়ত্তশাসিত পৰিষদৰ ‘পুৰথিমি আকেমাং ২’০ আঁচনিৰ অধীনত বৃহস্পতিবাৰে দিনৰ প্ৰায় ১ মান বজাত হাওৰাঘাট আৰু ফুলনি পৰিষদীয় সমষ্টিৰ অন্তৰ্গত খিলঞ্জীয়া হিতাধিকাৰীৰ মাজত চেণ্টাৰত কাৰ্বি আংলং স্বায়ত্তশাসিত পৰিষদৰ উদ্যোগত বিনামূলীয়া ৮৪২৯ গৰাকীক বিনামূলীয়া ভূমি পট্টা বিতৰণ কৰা হয় ৷
এইলৈ আজি আয়োজিত এক ৰাজহুৱা সভাৰ জৰিয়তে হিতাধিকাৰীৰ মাজত ভূমি পট্টা সমূহ বিতৰণ কৰা হয় ৷ সভাত কাৰ্বি আংলং স্বায়ত্তশাসিত পৰিষদৰ মুখ্য কাৰ্যবাহী সদস্য তুলিৰাম ৰংহাঙকে প্ৰমুখ্য কৰি সাংসদ অমৰচিং তিচ’, প্ৰাক্তন সাংসদ হৰেণছিং বে’ পৰিষদৰ কাৰ্যবাহী সদস্য মঙলছিং তিমুঙ, লুণছিং টেৰণৰ লগতে বিজেপিৰ কেইবাগৰাকী শীৰ্ষ নেতা কৰ্মী উপস্থিত থাকে ৷
সাংবাদিকৰ সৈতে হোৱা বাৰ্তালাপত মুখ্য কাৰ্যবাহী সদস্য তুলিৰাম ৰংহাঙে কয়যে, ইতিমধ্যে কাৰ্বি আংলঙত কাৰ্বি আংলঙৰ স্থায়ী বাসিন্দা তথা খিলঞ্জীয়া হিতাধিকাৰীৰ মাজত বিনামূলীয়াকৈ ৰাজহুৱা মত বিনিময় অনুষ্ঠান পাতি ১ লাখ বিনামূলীয়া ভূমি পট্টা বিতৰণ কৰা হৈছে যদিও একাংশ খিলঞ্জীয়া লোকে তেনে ভূমি পট্টা লাভ কৰা নাই বুলি দাবী কৰাত পুণৰ পুৰথিমি ২’০ নামাকৰণেৰে এই ভূমি পট্টা বিতৰণ কাম হাতত লোৱা হৈছে ৷
পুৰথিমি আকেমাং ২’০ৰ প্ৰথম কাৰ্যসূচী অনুসৰি পশ্চিম কাৰ্বি আংলঙৰ ১০৪৫০ গৰাকী হিতাধিকাৰীক ভূমি পট্টা বিতৰণ কৰাৰ সমান্তৰালকৈ আজি চেণ্টাৰত ওৰাঘাট আৰু ফুলনি পৰিষদীয় সমষ্টিৰ ৮৪২৯ গৰাকীক বিনামূলীয়া ভূমি পট্টা বিতৰণ কৰা হয় ৷
