কাৰবি আংলং আৰক্ষীৰ বৃহৎ সফলতা দুই শিশু সৰবৰাহকাৰীক গ্ৰেপ্তাৰ, ৪ টা শিশু সহ এগৰাকী মাতৃক উদ্ধাৰ, ডিফুত এছপিৰ সংবাদমেল –

কাৰবি আংলং (Karbi Anglong) জিলাতো মানৱ সৰবৰাহকৰী চক্ৰ সক্ৰিয় হৈ আছে ৷ আজি সন্ধিয়া প্ৰায় ৬ বজাত ডিফু আৰক্ষী অধীক্ষকৰ কাৰ্যালয়ৰ সন্মিলন কক্ষত এক সংবাদ মেলত এই কথা স্পষ্ট কৰে কাৰবি আংলং জিলাৰ আৰক্ষী অধীক্ষক সঞ্জীৱ কুমাৰ শইকীয়াই ৷

কাৰবি আংলং আৰক্ষী  দিল্লীলৈ গৈ  শিশু সৰবৰাহকাৰীৰ কৱলৰ পৰা ৪ শিশু সহ এগৰাকী মাতৃক উদ্ধাৰ কৰিছে ৷

১৭ আগষ্টত বকলীয়াঘাট থানাৰ দাখিল কৰা এখন এজাহাৰৰ ভিত্তিত কাৰবি আংলং জিলাৰ সদৰ উপ আৰক্ষী অধীক্ষকৰ নেতৃত্বত এটি দলে দিল্লীৰ বিভিন্ন স্হানত অভিযান চলাই  বকলীয়াঘাটৰ মাতৃ আৰু শিশু কন্যাক উদ্ধাৰ কৰে ৷

লগতে ২গৰাকী পশ্চিম বংগৰ শিশু আৰু ১ গৰাকী গোলাঘাটৰ শিশুকো মানৱ সৰবৰাহকাৰীৰ হাতৰ পৰা উদ্ধাৰ কৰি আনে কাৰবি আংলং আৰক্ষীয়ে ৷ প্ৰতিটো শিশুক ৩০ হাজাৰ টকাত আৰু মাতৃ গৰাকীক ১ লাখ টকাত ৰাজস্থানত বিক্ৰী কৰা হৈছিল ৷

মানৱ সৰবৰাহৰ লগত জড়িত মীনা ইংহিপী ওৰফে মীনা যাদব আৰু সঞ্জয় লোহাৰ নামৰ পুৰুষ-মহিলা হালক আৰক্ষীয়ে গ্ৰেপ্তাৰ কৰাৰ লগতে এই চক্ৰৰ লগত আৰু কোন কোন জড়িত আছে তাৰ অনুসন্ধান কৰি আছে কাৰবি আংলং আৰক্ষীয়ে ৷

আজি সন্ধিয়া এক সংবাদ মেলত কাৰবি আংলং জিলাৰ আৰক্ষী অধীক্ষক সঞ্জীৱ কুমাৰ শইকীয়াই এই তথ্য জানিবলৈ দিছে ৷