অসমৰ অবৈধ বেদখলকাৰীক উচ্ছেদক লৈ জমিয়ত উলেমা ই হিন্দৰ নেতাই মুখ্যমন্ত্ৰী হিমন্ত বিশ্ব শৰ্মাক অপসাৰণ কৰা মন্তব্যক লৈ গৰজি উঠিল কাৰ্বি আংলঙৰ ২৯ টা জাতি -জনগোষ্ঠীৰ উমৈহতীয়া মঞ্চ হিলছ পিপুল কালচাৰেল ফ’ৰাম চমুকৈ এইছপিচিএফ ৷ দেওবাৰে ডিফু-লামডিং পথৰ এইছপিচিএফৰ কাৰ্যালয়ত এক সংবাদমেল সম্বোধন কৰে এইছপিচিএফৰ নেতা সকলে ৷
মুখ্যমন্ত্ৰী ডঃ হিমন্ত বিশ্ব শৰ্মাৰ নেতৃত্বত অসমৰ বিভিন্ন প্ৰান্তত চলি থকা অবৈধ বেদখলকাৰীক কৰা উচ্ছেদ অভিযানক পূৰ্ণ সমৰ্থন জনাই এনে উচ্ছেদ অভিযান অব্যাহত ৰাখিবলৈ আহ্বান জনায় এইছপিচিএফৰ নেতা সকলে ৷ এইছপিচিএফৰ অধ্যক্ষ লাইচান ইংলেঙে সংবাদমেল সম্বোধন কৰি কয়যে, অসমৰ খিলঞ্জীয়া জাতি-জনগোষ্ঠীৰ ভৱিষ্যত সুৰক্ষিত কৰিবলৈ অসমৰ বনাঞ্চলৰ পৰা অবৈধ বেদখল কাৰ্যক যি উচ্ছেদ কৰিছে সেই উচ্ছেদ কাৰ্যক খিলঞ্জীয়া লোকে পূৰ্ণ সমৰ্থন জনাইছে ৷
অসমৰ একাংশ দল-সংগঠনে উচ্ছেদৰ বিৰোধিতা কৰি খিলঞ্জীয়া স্বাৰ্থ অপৰিপন্থী কাম কৰিছে ৷ শেহতীয়াকৈ ৰাষ্ট্ৰীয় পৰ্যায়ৰ ইছলামিক সংগঠন জমিয়ত উলেমা ই হিন্দৰ নেতামাহমুদ মাদানীয়ে অসমৰ উচ্ছেদৰ বিৰোধিতা কৰি খিলঞ্জীয়াবিৰোধি কাৰ্যত লিপ্ত হৈছে বুলি কয় ৷ উচ্ছেদ কৰাৰ বাবে অসমৰ মুখ্যমন্ত্ৰীক অপসাৰণ কৰিবলৈ কৈছে ৷ মাদানীৰ এনে মন্তব্যৰ তীব্ৰ বিৰোধিতা কৰি শীঘ্ৰে এনে মন্তব্য প্ৰত্যাহাৰ কৰিবলৈ সকিয়াই দিছে লাইছান ইংলেঙে ৷
লাইছান ইংলেঙে ইয়াকো কয়যে কাৰ্বি আংলঙতো দুদু কলনি আৰু লাংকাইজানত অবৈধ বেদখল কৰা হৈছে তদুপৰি বনাঞ্চলত যদি তেনে অবৈধ বেদখল কাৰী সকলক শীঘ্ৰে চিনাক্ত কৰি উচ্ছেদ কৰিবলৈ দাবী জনাইছে ৷ আনহাতে সংবাদমেলত উপস্থিত থকালকুকি, ভোজপুৰী, বাঙ্গালী আদি সংগঠনৰ নেতা উচ্ছেদ কাৰ্যক সমৰ্থন কৰাৰ লগতে জমিয়ত উলেমা ই হিন্দৰ নেতা মাহমুদ মাদানীৰ মন্তব্যৰ বিৰোধ প্ৰকাশ কৰে ৷
